| e-texts navigator |
| Wylie |
319a1 དང་།། སྐྱེ་མཆེད་རྣམས་དང་དབང་པོ་དང་།། ཡུལ་དང་ཡུལ་ཅན་ཉོན་མོངས་རྣམས།། ཇི་ལྟར་གནས་པ་གཏན་ལ་དབབ།། འདི་དག་ཤེས་པའི་རྣལ་འབྱོར་པས།། སྣང་བ་ཐམས་ཅད་དབང་སྒྱུར་ནུས།།
319a2 ཁམས་ལ་རྣམ་པ་གཉིས་ཡིན་ཏེ།། ཡུལ་གྱིས་བསྡུས་པ་ཕྱི་ཡི་ཁམས།། སེམས་ཀྱིས་བསྡུས་པ་ནང་གི་ཁམས། ཁམས་ཀྱི་རྣམ་པ་དེ་དག་ཀྱང་།། ཡུལ་ཀུན་འཛིན་པ་འཁྲུལ་པའོ།། ཕུང་པོ་རྟོག་པ་དང་བཅས
319a3 པ།། དངོས་པོ་ཐམས་ཅད་གཅིག་ཏུ་སྡུད།། རྟོག་པ་མེད་པའི་ཕུང་པོ་འདི།། བསམ་གཏན་གཅིག་འདུས་ཏིང་འཛིན་ནི།། སྐྱེ་མཆེད་གཟུང་འཛིན་གཉིས་ཡིན་ཏེ།། གཟུང་བའི་སྐྱེ་མཆེད་བཅུ་གཉིས་དང་།། འཛིན་པའི
319a4 སྐྱེ་མཆེད་བཅུ་གཉིས་སོ།། དབང་པོ་གཟུགས་ཀྱི་ཆ་འཛིན་དང་།། ཤེས་རབ་ཆ་འཛིན་དབང་པོའོ།། ཡུལ་ལ་དངོས་པོའི་ཡུལ་དང་ནི།། དངོས་པོ་མེད་པའི་ཡུལ་གཉིས་སོ།། ཡུལ་ཅན་ཐམས་ཅད་རྣམ་པར་དག། དག
319a5 ཅེས་བྱ་བ་ཆོས་ཟད་དོ།། ཉོན་མོངས་པ་ནི་དྲུག་ཡིན་ཏེ།། མ་རིག་གཏི་མུག་ཞེ་སྡང་དང་།། ང་རྒྱལ་འདོད་ཆགས་ཕྲག་དོག་གོ། འཆི་ཁ་མ་ཡི་ཆོས་ཉིད་ནི།། འཆི་རྐྱེན་ནད་ཀྱིས་འབྱུང་བ་འཁྲུགས།། ལུས་ངག་ཡིད
319a6 གསུམ་སྡུག་བསྔལ་ཏེ།། འཛིན་ཆགས་ཞེན་པའི་མཚོ་རྡོལ་ནས།། ལུས་སེམས་བྲལ་གྱིས་དོགས་པ་ཡིས།། སྡུག་བསྔལ་ཤིན་ཏུ་རགས་པ་སྟེ།། བན་བུན་དང་ནི་ལང་ལོང་དང་།། ཤེས་པ་གཅིག་ཏུ་མི་གནས
iiif viewer powered by OpenSeadragon
