| e-texts navigator |
| Wylie |
318b1 ཡིན།། ཉམས་སུ་ལེན་པར་བྱེད་པ་ལ།། བར་ཆད་བདུན་གྱིས་འཁྱེར་བས་ན།། བདུད་ཀྱི་གོལ་ས་ཐམས་ཅད་གཅད། རྩ་བ་བདུད་བཞི་ཆོད་པ་ན།། གོལ་ས་ཐམས་ཅད་ཆོད་པའོ།། ཆོས་སྐྲ་གཟུང་འཛིན་ཕྱོགས་བྲལ
318b2 ལ།། མཚན་མའི་བདུད་དང་གོལ་སྒྲིབ་བྲལ།། ཐེག་པའི་སྤྱི་ཕྲད་ཀློང་ཆེན་རབ་འབྱམས་ཀྱི་རྒྱུད་ལས། གོལ་ས་བཅད་པའི་ལེའུ་སྟེ་ཞེ་དྲུག་པའོ།། ། ས་མ་ཡ། རྒྱ་རྒྱ་རྒྱ། ཀེནསས་བྱེད་མོང་བ་མ་ཐ། རྒྱ་རྒྱ་རྒྱ།
318b3 སེམས་དཔའ་རྡོ་རྗེས་ཡང་ཞུས་པ།། ཀྱེ་ཧོ་སྟོན་པ་ཀུན་ཏུ་བཟང་།། གོང་ལྟར་གདམས་པ་བསྟན་ན་ཡང་།། སྣང་བ་བཞི་པོ་མ་རྫོགས་ཤིང་།། གལ་ཏེ་གདམས་པའི་གནད་ཡོད་ཀྱང་།། བྱ་བ་ལེ་ལོས་གཡེངས་པ
318b4 རྣམས།། ཉམས་སུ་ལེན་ལོང་མེད་པ་རུ།། བར་ཆད་རྐྱེན་གྱིས་འཆི་བ་ན།། འདི་ལ་འཆི་རྟགས་བསླུ་བའི་ཐབས།། བར་དོའི་གདམས་པ་བསྟན་དུ་གསོལ།། གསན་དགོངས་སྟོན་པས་བཀའ་སྩལ་པ།། ཀྱེ་ཧོ་སེམས
318b5 དཔའ་རྡོ་རྗེ་ཉོན།། བར་དོ་ཞེས་བྱ་ཆོས་སྤྱིའི་སྐད།། འདི་རུ་ཆོས་ཀུན་མ་འདུས་མེད།། དེ་ལ་བར་དོའི་དབྱེ་བ་དང་།། ཆོས་ཉིད་ས་མཚམས་སྣང་ལུགས་སོ།། དེ་ལ་དབྱེ་བ་བཞི་ཡིན་ཏེ།། དང་པོ་སྐྱེ་གནས་པར་དོ
318b6 དང་།། འཆི་ཁ་སྡུག་བསྔལ་བར་དོ་དང་།། ཆོས་ཉིད་ཞི་ཁྲོའི་བར་དོ་དང་།། སྲིད་པར་འཁྱམས་པའི་བར་དོའོ།། གཉིས་པ་ཆོས་ཉིད་བར་དོ་ནི།། རང་ལུས་འདོམ་གང་གྲུ་བཞི་འདི། ཁམས་རྣམས་དང་ནི་ཕུང་པོ
iiif viewer powered by OpenSeadragon
