| e-texts navigator |
| Wylie |
318a1 བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་རྩལ།། ལྷ་སྒོམ་རྣམས་ཀྱི་གོལ་ས་ནི།། སྟོང་པ་ཉིད་ལ་ཨ་འཐས་ན།། གཟུགས་མེད་སྐྱེ་མཆེད་མུ་བཞིར་གོལ།། དངོས་པོ་ཅན་དུ་འཐས་པ་ན།། གཟུགས
318a2 ཁམས་གནས་རིགས་བཅུ་བདུན་དང་།། བེམས་པོ་ལྟ་བུར་གོ་བར་འགྱུར།། ལུ་གུ་རྒྱུད་ཀྱི་སྣང་བ་ལ།། རྟག་པ་ཅན་དུ་འཛིན་པ་ན།། ཆགས་པ་ཆེན་པོས་བཅིངས་པར་འགྱུར།། འགྲོ་དྲུག་གནས་སུ་དེ་གོལ་ལོ།། སྤྱོད
318a3 པ་དག་ལ་གོལ་ས་གསུམ།། འདི་ལྟར་སྣང་བ་ཐམས་ཅད་ཀུན།། སྨྱོན་པ་ཐོ་ཅོ་སྤྱོད་པ་ན།། ནམ་མཁའ་ལྟ་བུར་མཐའ་ཡས་གོལ།། དོན་ལ་མྱང་མེད་ཁ་ཆོས་ཆེ།། མུ་སྟེགས་ལྟ་བུར་གོལ་བར་འགྱུར།། ཆོས་སྤྱོད་རྒྱུ
318a4 འབྲས་མི་བརྩི་ན།། ཐ་མལ་སྐྱེ་བོར་གོལ་བའོ།། སྒོམ་པ་དག་ལ་གོལ་ས་གསུམ།། བཏང་སྙོམས་བདག་མེད་བསྒོམ་པ་ན།། སྟོང་སྣང་མུན་སྣང་ཉིད་དུ་གོལ།། ཏིང་འཛིན་ཡིག་འབྲུ་སྒོམ་བྱེད་ན།། ཆགས་བཟུང
318a5 འཁོར་བའི་གནས་སུ་གོལ།། མི་རྟོག་སྟོང་པ་བསྒོམ་བྱས་ན།། ཆད་པ་མུ་སྟེགས་ལྟ་བུར་གོལ།། དེ་སོགས་གོལ་རྒྱུ་བསམ་ཡས་ཀྱང་།། གོལ་ས་རྟག་ཆད་གཉིས་སུ་འདུས།། དོན་ལ་གོལ་སྒྲིབ་མེད་ན་ཡང་།། ལམ
318a6 པའི་རྣལ་འབྱོར་ཉིད་ལ་ནི།། གནས་ངན་གྲོགས་ངན་ཡུལ་ངན་གསུམ།། གོལ་ས་ཆེ་བ་གསུམ་དུ་བཤད།། ཁ་ངན་ཁོང་གྱོང་རང་རྒྱུད་ངན།། དུག་ལྔ་དུག་གསུམ་ལོ་འདབ་རྒྱས།། དེ་རྣམས་རང་རྒྱུད་གོལ་ས
iiif viewer powered by OpenSeadragon
