| e-texts navigator |
| Wylie |
317b1 མེད་སྤྱོད་པ་སྤྱད་པའི་དངོས་གཞི་ལ།། གཉིས་ཀའི་ཕྱོགས་འཛིན་མ་སྤངས་པ་ཡིས་སྤྱོད།། མདོར་ན་གང་སྣང་གང་ཤར་དངོས་གཞི་ལ།། ཕྱོགས་འཛིན་མ་སྤངས་ཤུགས་འབྱུང་སྤྱོད་པར་གྲོལ།། ཀློང་ཡངས་འུབ་ཆུབ
317b2 བརྡལ་ཁྱབ་ཆེན་པོའི་ངང་།། སྤྱིར་ཁྱབ་ཆེན་པོ་ས་བཅུ་འདུས་པའི་ཀློང་།། གཅིག་ཏུ་འདུས་པས་མཐོ་དམན་ཡོངས་ཀྱིས་མེད།། མཐོ་དམན་མེད་པས་ཡངས་དོག་མེད་པ་ཡིན།། མཐའ་དབུས་བྲལ་བས་ཕྱི་ནང་མེད
317b3 པར་སྤྱོད།། སྐྱེ་འགག་མེད་པས་དུས་གསུམ་སྤྱོད་པའི་ཀློང་།། དུས་གསུམ་མེད་པས་སྐྱེ་ཤི་མེད་པར་འབྱམས།། བློ་སྙེད་ཤར་ཀྱང་གཡོ་བ་རྡུལ་ཙམ་མེད།། རྒྱལ་བ་ཀུན་ཏུ་བཟང་པོའི་དགོངས་པའོ།། ཞེས་གསུངས
317b4 ནས་རང་ལས་ཐ་དད་མེད་པའི་སྐུ་གསུམ་གྱི་ཀློང་ན་སྐུ་ངོ་བོ་ངེས་མེད་དུ་སངས་རྒྱས། གསུང་ལྷུན་གྲུབ་གྲག་སྟོང་དུ་སངས་རྒྱས། ཐུགས་སྐྱེ་མེད་ཀ་དག་ཏུ་སངས་རྒྱས་སོ།། ཐེག་པའི་སྤྱི་ཕུད་ཀློང་ཆེན་རབ་འབྱམས
317b5 ཀྱི་རྒྱུད་ལས། སྤྱོད་པ་རྒྱ་མཚོ་བརྡལ་བ་ཆེན་པོལ་ལེའུ་སྟེ་ཞེ་ལྔ་པའོ།། །། ས་མ་ཡ། རྒྱ་རྒྱ་བྱ། བཅག་ཐམསཿརྒྱ་རྒྱ་རྒྱ་དེ་ནས་སེམས་དཔའ་རྡོ་རྗེ་མེས།། སྟོན་པ་ཉིད་ལ་ཡང་ཞུས་པ།། ཀྱེ་ཀྱེ་སྟོན་པ་ཀུན་ཏུ
317b6 བཟང་།། ལྟ་སྒོམ་སྤྱོད་འབྲས་དེ་ལྟ་ན།། ཨ་ཏི་ཆེན་པོ་འདི་ཉིད་ལ།། སེམས་ཅན་ཛོ་ཡི་ཁྱད་པར་གྱིས།། གོལ་ས་ཡོད་མེད་སྟོན་པས་གསུངས།། འདུས་པའི་འཁོར་རྣམས་ཉན་སྤྲོའོ།། ཞུས་པས་གསན་དགོངས
iiif viewer powered by OpenSeadragon
