| e-texts navigator |
| Wylie |
316b1 སྐུ་གསུང་ཐུགས་དང་མཉམ་པར་འགྱུར།། བྱང་སེམས་དྲང་པོར་གནས་དང་བརྟན་ཅིང་གོམས།། དེ་ཉིད་བོགས་དབྱུང་བསྒོམ་པར་བྱ་བ་དང་།། མཁའ་ལ་ཉི་ཤར་སྡེ་བཞིན་གསལ་བ་སྟེ།། སྣང་བའི་ཐུགས་ཕྲད་གང
316b2 གང་དེ་དེ་ཉིད།། གཟུང་འཛིན་མཚན་མ་རང་གྲོལ་ཤེས་པར་བྱ།། སེམས་ཉིད་ཅོག་བཞག་དྲན་མེད་རང་སར་བཞག། རྒྱ་མཚོ་བཞིན་དུ་རབ་ཟབ་གཡོ་འགུལ་མེད།། ཆུ་བོའི་རྒྱུན་བཞིན་རིག་པ་རྒྱུན་འཆད་མེད།། རྡོ།
316b3 རྗེ་ལྟ་བུའི་ཏིང་འཛིན་འཕོ་འགྱུར་མེད།། དབང་པོ་རྣོ་རྟུལ་རིམ་དང་ཅིག་ཆར་དུ།། ཉམས་སུ་ཛངས་པས་སྒོམ་པའི་བྱེ་བྲག་ཀུན།། ཀུན་བཟང་ཐུགས་ཀྱི་ཀློང་ནས་བཀྲོལ་ཞིང་བསྟན།། སྒོམ་པ་ཀློང་ཡངས་ཁྱབ་གདལ
316b4 ཆེན་པོའོ།། ཐེག་པའི་སྤྱི་ཕུད་ཀློང་ཆེན་ཡངས་པའི་རྒྱུད་ཆེན་ལས།། སྒོམ་པའི་དོན་ཀློང་ནས་བཀྲོལ་བའི་ལེའུ་སྟེ་ཞེ་བཞི་པའོ།། །། ས་མ་ཡ། རྒྱ་རྒྱ་རྒྱ། ན་ཙྱཻ་ཨ་རྒྱ་ན། ཐོན་ཛཿདེ་ནས་སེམས་དཔའ་རྡོ་རྗེ་རྩལ
316b5 གྱིས་གསོལ།། རྒྱལ་བའི་རྒྱ་མཚོ་ཀུན་ཏུ་བཟང་།། ཆོས་དབྱིངས་དག་པའི་ཡེ་ཀློང་ཆེན་པོ་ལ།། བྱ་དང་མི་བྱ་ལུས་ངག་སྤྱོད་པའི་དོན།། བྱར་མེད་ལྷུག་པའི་དོན་ཉིད་བཤད་དུ་གསོལ།། བཅོམ་ལྡན་འདས་ཀྱིས་བཀའ
316b6 སྩལ་པ།། ལྟ་བ་ཡེ་ཀློང་ཆེན་པོའི་དོན་རྟོགས་ནས།། ཇི་བཞིན་བསྒོམ་པའི་ངང་ལ་གནས་གྱུར་པས།། ལུས་ངག་ཡིད་ཀྱི་སྤྱོད་པ་ཀུན་བཟང་ཀློང་།། ཡངས་པ་ཆེན་པོ་བྱ་བཙལ་ཀུན་བྲལ་ཀྱང་།། ལྟ་བའི་རྩིས་ཟིན་སྤྱད
iiif viewer powered by OpenSeadragon
