| e-texts navigator |
| Wylie |
315b1 ཉིད་སྤྲོས་པའི་མཐའ་རྣམས་ཀུན་དང་བྲལ།། ཕྱོགས་རིས་མེད་པ་ལྟ་བ་ཡངས་པའི་ཀློང་།། མ་འགགས་ཤར་བ་རང་བྱུང་ཡེ་ཤེས་ཉིད།། རྒྱུ་དང་རྐྱེན་བྲལ་རྟག་པ་ཆེན་པོའི་སྐུ།། རྟོགས་པའི་ཀློང་ཆེན་རབ་འབྱམས
315b2 དོན་རྟོགས་ན།། སྐད་ཅིག་གྲོལ་འགྱུར་ཡང་སངས་རྒྱས་འགྱུར་ཞིང་།། རང་བཞིན་ཀ་དག་སྤྲོས་པའི་མཚན་མ་བྲལ།། མ་འདྲེས་ཡོངས་རྫོགས་ནམ་མཁའི་གཟུགས་བརྙན་བཞིན།། ཐམས་ཅད་མཉམ་ཉིད་ཀློང་དུ་རོ།
315b3 གཅིག་གོ། རྣམ་པར་དག་པའི་དེ་ཉིད་ཡེ་ཤེས་དོན།། འདི་ལྟར་སངས་རྒྱས་ཡེ་ནས་རྣམ་པར་དག། ལྷུན་གྱིས་གྲུབ་པའི་སངས་རྒྱས་བདེ་བ་ཆེ།། ཉོན་མོངས་ལྔ་ཉིད་ཡེ་ཤེས་ལྔ་པོ་སྟེ།། དུག་གསུམ་སྐུ་གསུང་ཐུགས་སུ
315b4 རབ་རྟོགས་པས།། ངོ་མཚར་རྨད་བྱུང་སྡུག་བསྔལ་ཟུག་རྔུ་ཞི།། ཀློང་ཆེན་རབ་འབྱམས་ཨ་ཏི་ཡོ་གའི་ལུང་།། ཀུན་ཀྱང་རབ་གསལ་ཐེག་པ་ཀུན་གྱི་དོན།། ལྟ་བའི་མཐར་ཐུག་དགོངས་པའི་ཞེ་ཕུགས་ནི།། མཐའ་ཡི
315b5 མུན་གསལ་ཀློང་ཆེན་ཡངས་པའོ།། ཐེག་པའི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ལྟ་བ་རྒྱ་མཚོ་ཀློང་རྡོལ་བའི་ལེའུ་སྟེ་ཞེ་གསུམ་པའོ།། །། ས་མ་ཡ། རྒྱ་རྒྱ་རྒྱ། རྫ་ཙག་འཀག་ས་དེ་ནས
315b6 ཡང་སེམས་དཔའ་རྡོ་རྗེ་རྩལ་གྱིས་གསོལ་པ།། ཀུན་ཏུ་བཟང་པོ་རབ་འབྱམས་ཀློང་ཆེན་ཡངས།། ཡེ་ནས་དངོས་པོའི་གཞི་ཉིད་དག་པ་ལ།། སྒོམ་དང་མི་བསྒོམ་ཐ་སྙད་ཀུན་ལས་གྲོལ།། སྒོམ་པའི་དོན་ཉིད་ཀློང་ནས
iiif viewer powered by OpenSeadragon
