| e-texts navigator |
| Wylie |
315a1 ཉོན།། བསམ་གྱིས་མི་ཁྱབ་བརྒྱད་ཁྲི་བཞི་སྟོང་དང་།། གསུང་རབ་ཅུ་གཉིས་སྡེ་སྣོད་རྒྱུད་ཀུན་ཀློགས།། ཐེག་པའི་ཁྱད་པར་གྲུབ་པའི་མཐའ་རྣམས་ཀུན།། ཀུན་བཟང་ཆོས་ཀྱི་དབྱིངས་ཆེན་ཀློང་ནས
315a2 བཀྲོལ།། ལྟ་བའི་ཀློང་ཆེན་རབ་འབྱམས་ལ་བཟླ་བ།། ཉན་ཐོས་རང་རྒྱལ་ཐེག་ཆེན་མདོ་སྡེ་དང་།། སྤྱི་དང་ཁྱད་པར་ལྟ་བའི་བྱེ་བྲག་རྣམས།། ཡེ་ཀློང་ཆེན་པོའི་དོན་ལ་བསྒྲིབས་གྱུར་ཅིང་།། སངས་རྒྱས་ལྷ་དགོངས
315a3 ཕྱིན་ཅི་མ་ལོག་པ།། དེ་ཡིས་དོན་ལ་དབབ་པར་རབ་ཏུ་དཀའ།། བརྟག་པར་དཀའ་ལ་བརྗོད་པའི་ཐ་སྙད་བྲལ།། དཔེ་དང་གཏན་ཚིགས་ལུང་རིག་ཀུན་གྱིས་ཀྱང་།། འདི་ཞེས་མཚོན་པར་ཚིག་ཏུ་བརྗོད་དང
315a4 བྲལ།། བརྗོད་མེད་དོན་ཉིད་ཀློང་ཆེན་རབ་འབྱམས་དོན།། ཆོས་ཉིད་སྐྱེ་མེད་ཀློང་ཡངས་འཁྱིལ་བའི་སྐུ།། ངང་ངམ་ཤུགས་ཀྱིས་བྱིན་གྱིས་རླབས་ཀྱིས་རྟོགས།། ཀུན་ཏུ་བཟང་པོའི་ཆོས་ཀྱི་དབྱིངས་ཀློང
315a5 ནས།། བཀྲོལ་ཞིང་བཤད་པ་ལྟ་བའི་ཀློང་ཆེན་འདི།། ལས་དང་སྐལ་ལྡན་རྣམས་ཀྱིས་རྟོགས་པར་གྱིས།། ཆོས་ཉིད་ཀློང་རྡོལ་ལྟ་བ་ཡེ་ཀློང་ཆེ།། འཁོར་འདས་ཐམས་ཅད་རིག་པའི་བྱང་ཆུབ་སེམས།། ཡུལ་ཉིད་རྣམ
315a6 སྤངས་སྒོ་སྐུར་བྲལ་བའི་ཀློང་།། སེམས་ཉིད་སྟོང་པ་ངོས་བཟུང་ཀུན་ཏུ་བྲལ།། མེད་པ་མ་ཡིན་རོལ་པ་འགག་པ་མེད།། རང་བཞིན་སྐྱེ་བ་མེད་ཅིང་བརྗོད་དང་བྲལ།། སྐྱེ་མེད་རོལ་པ་གཉིས་མེད་གཉིས་སུ་མེད།། དེ
iiif viewer powered by OpenSeadragon
