| e-texts navigator |
| Wylie |
314b1 སངས་རྒྱས་སོ།། དེ་ཡང་རྣམ་པ་གཉིས་སུ་འདུས།། ཡང་དག་རྫོགས་པའི་སངས་རྒྱས་དང་།། མངོན་པར་རྫོགས་པའི་སངས་རྒྱས་གཉིས།། ཡང་དག་རྫོགས་པའི་སངས་རྒྱས་ནི།། ངོ་བོ་སྐུ་རུ་རྒྱས་པ་དང་།། རང
314b2 བཞིན་འོད་དུ་རྒྱས་པ་དང་།། ཐུགས་རྗེ་ཟེར་དུ་རྒྱས་པའོ།། མངོན་པར་རྫོགས་པའི་སངས་རྒྱས་ནི།། སྐུ་དང་གསལ་དང་བསྔའ་དང་འོད།། མངོན་སུམ་གསལ་ན་རྒྱས་པའོ།། ཐོག་མར་མ་རིག་པ་ཡི་སེམས།། རིག
314b3 པས་བསྐྱེད་པའི་ལུས་སེམས་འདི།། ཡེ་ཤེས་ཉིད་ཀྱི་ངོ་བོ་སྟེ།། འབྱུང་ལྔ་ཡེ་ཤེས་ལྔ་ལ་ཐིམ།། ལྷག་མ་མེད་པར་སངས་རྒྱས་སོ།། དེ་ཡི་ཐུགས་རྗེའི་ཆ་ཙམ་ལས།། གཞན་དོན་དཔག་མེད་འབྱུང་བའོ།། ཐེག་པ་ཀུན
314b4 གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། འབྲས་བུ་སྐུ་གསུམ་ལྷུན་གྲུབ་ཀྱི་ལེའུ་སྟེ་ཞེ་གཉིས་པའོ།། །། ས་མ་ཡ། རྒྱ་རྒྱ་རྒྱ། འབས་སཏམ་པརཿ16\ུ0f7fརྒྱ་རྒྱ་རྒྱཿདེ་ནས་སེམས་དཔའ་རྡོ་རྗེས་ཡང་ཞུས་པ།
314b5 ཀྱེ་ཧོ།། ལྟ་སྒོམ་སྤྱོད་པའི་བདག་ཉིད་ཀུན་ཏུ་བཟང་།། ཡེ་རྫོགས་ཆེན་པོའི་འབྲས་བུ་བསྟན་གྱུར་ཀྱང་།། ད་རུང་ལྟ་སྒོམ་སྤྱོད་པའི་དོན་མ་བསྟན།། ཀློང་ཆེན་ཡངས་པའི་ཐུགས་ཀྱི་སྒོ་ཕྱེ་ལ།། བལྟ་དང་མི་བལྟ་ཀུན
314b6 བཟང་ཡངས་པའི་ཀློང་།། སངས་རྒྱས་ཀུན་གྱི་དགོངས་པ་རབ་གསལ་བ།། འདུས་པའི་ཚོགས་ལ་ཀློང་ནས་དགྲོལ་དུ་གསོལ།། ཞེས་ཞུས་སྟོན་པས་བཀའ་སྤྲུལ་པ།། ཀྱེ་ཧོ་སེམས་དཔའ་རྡོ་རྗེ་རྩ་ལ་སོགས
iiif viewer powered by OpenSeadragon
