| e-texts navigator |
| Wylie |
314a1 དག། ཟག་པ་ཟད་པས་རྡོས་བཅས་མེད།། གཉིས་ཀྱི་འཕེལ་མེད་ངོ་བོ་ཉིད།། ཆོས་དང་བྲལ་བས་མཐའ་ལས་འདས།། རྟོག་མེད་གསལ་བས་འགྱུ་བ་སངས།། བེམ་རིག་གཉིས་མེད་ཚོགས་གཉིས
314a2 རྫོགས།། འགྲན་པའི་ཟླ་མེད་ཅོག་བཞག་རང་།། ངོ་ལྐོག་མཚན་མ་གདོད་ནས་མེད།། འགྱུར་བ་མ་ཡིན་དྲང་པོར་གནས།། ཡོངས་ལ་ཁྱབ་པས་སེམས་གཅིག་པོ།། འགྲུབ་མཐའ་རྫོགས་པའི་སྤྱི་ཕུད་ཡིན།། ཐོག་མ
314a3 བར་དང་མཐའ་མ་གྲུབ།། དེ་ལྟར་འབྲས་བུ་འཁྲུལ་མེད་གཞི།། རང་རིག་ཡེ་ནས་འོད་ཟེར་གསལ།། སྐུ་གསུམ་ཡེ་ནས་མ་བསྐྱེད་རྫོགས།། འབྲས་བུ་རང་གནས་ཆེན་པོའོ།། ཨ་ཧོ་རིག་མདངས་འཁོར་རྣམས
314a4 ཉོན།། ཡེ་རྫོགས་ཡེ་ཡིན་སྐུ་གསུམ་ལ།། ཆོས་ཀྱིས་དེ་ལ་བཅོས་སུ་མེད།། གྲུབ་མཐའ་ཡེ་ནས་སྐྱོན་དང་བྲལ།། དུག་ལྔས་ཡེ་ནས་གོས་པ་མེད།། འཁོར་འདས་འདུ་འབྲལ་ག་ལ་ཡོད།། མངོན་སུམ་གསལ་བས
314a5 བརྗིད་རེ་ཆེ།། སྣང་བ་སྣ་ཚོགས་ལྷུན་རེ་སྡུག། ཆོས་སྐུ་ངོ་སྤྱོད་དང་རེ་སྤྲོ།། ངོ་བོ་ཟང་ཐལ་ཡངས་པ་ཆེ།། རང་བཞིན་ཀུན་ཁྱབ་གདལ་བ་ཆེ།། ཐུགས་རྗེ་ཀུན་འབྱུང་སྐྱེད་རེ་ཆེ། ཁྱབ་པ་ཡེ་མདངས་བཀྲག་རེ་ངས
314a6 མང་སྟེ།། རྣམ་པ་ལྔ་རུ་འདུས་པའོ།། ངོ་བོ་ཀ་དག་སངས་རྒྱས་དང་།། རང་བཞིན་ལྷུན་གྲུབ་སངས་རྒྱས་དང་།། ཐུགས་རྗེ་ཀུན་ཁྱབ་སངས་རྒྱས་དང་།། འབྲས་བུ་རྒྱུ་དག་སངས་རྒྱས་དང་།། མཚན་མ་ཡོངས་གྲོལ
iiif viewer powered by OpenSeadragon
