| e-texts navigator |
| Wylie |
313b1 བུ་ཐོབ།། ཡི་གེ་མེད་པའི་རྒྱུད་ཆེན་ལ།། བཤད་དུ་མེད་དེ་རྩལ་ཡང་རྫོགས།། ཆོས་ཀུན་མ་བསླབས་པ་ལ་ཤེས།། མ་བསྒོམས་ཡེ་ནས་ཏིང་འཛིན་ཐོབ།། ལུང་དང་རིག་པ་དུ་གཅིག་རྫོགས།། སྔགས་དང་ཕྱག་རྒྱ
313b2 དཀྱིལ་འཁོར་ལྷ།། མཆོད་དང་དབང་དང་དམ་ཚིག་ནི།། མ་བཙལ་ཅོག་བཞག་ཆེན་པོར་ཐོབ།། འདས་དང་མ་འོངས་ད་ལྟ་རྣམས།། སྐད་ཅིག་ཆ་ལ་དུས་གསུམ་རྫོགས།། ས་དང་ལམ་དང་ཚོགས་རྣམས་ནི།། བགྲོད
313b3 སྦྱངས་བསག་མེད་སྐད་ཅིག་ཐོབ།། གཞི་དང་ལམ་དང་འབྲས་བུ་ནི།། ཇི་ལྟར་གནས་པའི་ཚུལ་ན་རྫོགས།། ངོ་བོ་རང་བཞིན་ཐུགས་རྗེ་གསུམ།། སྒོག་མེད་རང་སར་ཉིད་ན་བདེ།། ཆོས་སྐུ་ལོངས་སྐུ་སྦྲུལ་སྐུ
313b4 གསུམ།། མ་སྐྱེས་རྫོགས་པའི་ཚུལ་ན་ཐོབ།། ལྟ་བ་སྒོམ་པ་སྤྱོད་པ་གསུམ།། མ་བརྟེན་འཁོར་བའི་ཚུལ་དུ་རྫོགས།། སངས་རྒྱས་ཆོས་དང་དགེ་འདུན་གསུམ།། ཡེ་རྫོགས་ལྷུན་གྲུབ་ཆེན་པོར་གནས།། སྣང་དང་སྟོང
313b5 དང་དབྱེར་མེད་ནི།། མ་བྱས་ཡེ་རྫོགས་ཉིད་དུ་གནས།། ས་དང་ཆུ་དང་མེ་དང་རླུང་།། ནམ་མཁའ་ཡེ་རྫོགས་ཚུལ་དུ་ཐོབ།། ཨ་ཧོ་སེམས་དཔའ་རྡོ་རྗེ་རྩལ།། རྒྱ་རུ་མེད་པའི་སངས་རྒྱས་ཐོབ།། འདའ་རུ་མེད་པའི་མྱང
313b6 འདས་ཐོབ།། དྲི་མ་མེད་དེ་ཀ་ནས་དག། ཐོག་མར་བྱུང་བས་རྒྱུད་པ་ཟབ།། ལྟ་དང་བྲལ་བས་རྩིས་ལས་འདས།། དུག་གི་རྒྱུ་རྐྱེན་བདེ་བ་ཆེ།། བརྗོད་པའི་རྒྱུ་མེད་སྨྲ་བསམ་འདས།། ཡེ་ནས་རང་རིག་རྣམ་པར
iiif viewer powered by OpenSeadragon
