| e-texts navigator |
| Wylie |
313a1 གཞི་ཡང་རྫོགས།། སྣང་བ་ཡིན་ཕྱིར་ཡུལ་ཡང་རྫོགས།། རང་གྲོལ་ཡིན་ཕྱིར་རང་རིག་རྫོགས།། རང་སྣང་ཡིན་ཕྱིར་ལམ་ཀུན་རྫོགས།། རང་རིག་ཡིན་ཕྱིར་ཤེས་བྱ་རྫོགས།། རང་ཁྱབ་ཡིན་ཕྱིར
313a2 འབྲས་བུ་རྫོགས།། རང་སངས་ཡིན་ཕྱིར་རྒྱུ་རྐྱེན་རྫོགས།། རང་རྟོགས་ཡིན་ཕྱིར་ཆོས་ཉིད་རྫོགས།། རང་བྱུང་ཡིན་ཕྱིར་རྒྱུད་ལུང་རྫོགས།། རངས་རྫོགས་ཡིན་ཕྱིར་ཕྲིན་ལས་རྫོགས།། རང་ཡེ་ཐོབ་ཕྱིར
313a3 དབང་རྣམས་རྫོགས།། རང་དག་ཡིན་ཕྱིར་དམ་ཚིག་རྫོགས།། རང་ཤེས་ཡིན་ཕྱིར་གདམས་ངག་རྫོགས།། རང་བཞིན་ཡིན་ཕྱིར་བསམ་གཏན་རྫོགས།། རང་ཆས་ཡིན་ཕྱིར་དུས་གཅིག་རྫོགས།། ཞེས་གསུངས་ནས
313a4 ལྷན་ནེར་བཞུགས་སོ།། ཐེག་པའི་སྤྱི་ཕྲད་ཀློང་ཆེན་རབ་འབྱམས་ཀྱི་རྒྱུད་ལས། སྣང་གཞི་རང་སར་རྫོགས་ཚུལ་ལེའུ་སྟེ་ཞེ་གཅིག་པའོ།། ། ས་མ་ཡ། རྒྱ་རྒྱ་རྒྱ། མ་ཁ་མནམས་པག་མ་ག་དམས་ནཱ། སེམས
313a5 དཔའ་རྡོ་རྗེས་ཡང་ཞུས་པ།། དེ་ལྟ་བུ་རུ་རྫོགས་ནའང་།། འབྲས་བུ་ཐོབ་མེད་ཐོབ་ཚུལ་རྣམས།། འདུས་པའི་འཁོར་ལ་བཀའ་སྩོལ་ཅིག། སྟོན་པས་གསན་དགོངས་བཀའ་སྤྲུལ་པ།། ཀྱེ་ཧོ་རིག་མདངས་འཁོར་རྣམས
313a6 ཉོན།། འབྲས་བུ་ཐོབ་ཚུལ་འདི་ལྟར་རོ།། ཤེས་སུ་མེད་པའི་ཆོས་སྐུ་ཤེས།། བརྗོད་དུ་མེད་པའི་མན་ངག་ལ།། གཟུང་དུ་མེད་པའི་རིག་པ་ཟིན།། བཤད་དུ་མེད་པའི་ཆོས་ཉིད་ལ།། ཐོབ་ཏུ་མེད་པའི་འབྲས
iiif viewer powered by OpenSeadragon
