| e-texts navigator |
| Wylie |
310b1 རུ་འགྱུར།། གལ་ཏེ་སེམས་ཅན་དོན་བྱེད་ན།། རང་གི་ལག་སོར་གཏད་པ་ཡིས།། སྣང་བ་རང་ལོག་དོན་རྣམས་འགྲུབ།། རིག་པ་རང་བཅུག་གྲོལ་འགུལ་འགྱུར།། འསྡུག་པ་ཉིད་ལ་རང་དབང་ཐོབ།། ལག་སོར་ཉིད
310b2 ལ་རིག་པ་གཏད།། སྐད་ཅིག་མི་སྣང་བུདྡྷའོ།། རླུང་སེམས་ཉིད་ལ་དབང་ཐོབ་པས།། རླུང་གི་ཡོན་ཏན་ཐམས་ཅད་ཐོབ།། སྡིག་ཅན་འཕོ་དུས་རིག་པ་བཅུག། རང་དང་མཉམ་པོར་བུདྡྷའོ།། བེམས་པོ་རྣམས
310b3 ལ་ཐོགས་པ་མེད།། མངོན་ཤེས་ཕྱོགས་མེད་དུས་གསུམ་ཤེས།། གསུམ་གསུམ་དགུ་ཡིས་རྒྱབ་བརྟེན་ནོ།། ཞེས་གསུངས་སོ།། ཐེག་པའི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། རྒྱབ་བརྟེན་བསྟན་པའི་ལེའུ་སྟེ།
310b4 སོ་དགུ་པའོ།། །། ས་མ་ཡ། རྒྱ་རྒྱ་རྒྱ། ཊར་ཏ་ཊེརྦ་ཀྱང་ན། ས་ཞེཿསེམས་དཔའ་རྡོ་རྗེས་ཡང་གསོལ་པ།། ཀྱེ་ཧོ་སྟོན་པ་ཀུན་ཏུ་བཟང་།། རྒྱབ་བརྟེན་མན་ངག་དེ་ལྟར་ན།། གདེང་ཆེན་ཇི་ལྟ་བུ་རུ་བཟླ།། རིག
310b5 མདངས་འཁོར་ལ་བཀའ་སྩོལ་ཅིག། སྟོན་པས་འཁོར་ལ་བཀའ་སྩལ་པ།། སེམས་དཔའ་ལ་སོགས་འཁོར་རྣམས་ཉོན།། གདེང་ནི་ཡར་མར་གཉིས་གཉིས་བཞི།། རྟགས་ཚད་རྣམ་གྲངས་མང་བཤད་པ།། འདི་རུ་མི
310b6 འདུ་མེད་པའོ།། དཀོན་མཆོག་ཡོན་ཏན་ལ་སོགས་ལ།། བྲོད་པ་སྐྱེ་རྒྱུ་རྡུལ་ཙམ་མེད།། ཡེ་ནས་རིག་པ་སངས་རྒྱས་པས།། བསྒྱུར་ནས་གྲོལ་རྒྱུ་ང་ལ་མེད།། རང་ཉིད་སངས་རྒྱས་ཡིན་པ་ཡིས།། གདེང་ཆེན་དེ་ཉིད
iiif viewer powered by OpenSeadragon
