| e-texts navigator |
| Wylie |
310a1 དཔའ་རྡོ་རྗེ་རྩལ།། གཉིས་པ་སྡོད་པ་གསུམ་དུ་བསྟན།། ཕྱི་ནང་བསྐྱོད་པའི་རླུང་ཟད་པས།། དབྱིངས་རིག་འགྲོ་འོང་མེད་པར་སྡོད།། ཕུང་པོ་བསྐྱོད་པའི་རླུང་ཟད་པས།། ལུས་ནི་མི་འགུལ་སྡོད
310a2 པའོ།། གསང་བ་འགྱུ་བྱེད་རླུང་ཟད་པ།། སེམས་རྟོག་མི་འགྱུར་སྡོད་པའོ།། ཚད་ནི་རྨི་ལམ་བཟུང་བ་སྟེ།། ལུས་ངག་ཡིད་གསུམ་རྟགས་ཚད་བཟུང་།། རབ་ལ་རྨི་ལམ་དབྱིངས་སུ་ཐིམ།། འབྲིང་དུ་རྨི་ལམ་མངོན་ཤེས
310a3 འཆར།། ཐ་མ་རྨི་ལམ་ངོ་ཡང་ཤེས།། ཆོས་ཉིད་མངོན་སུམ་སྣང་བའི་དུས།། ལུས་ནི་རུས་སྦལ་སྣོད་བཅུག་འདྲ།། ངག་ནི་ལྐུགས་པ་སྨྲ་མི་འདོད།། སེམས་ནི་མི་འཕྲོ་གར་གཏང་དོད།། ཉམས་སྣང་གོང་འཕེལ་དུས
310a4 ཉིད་དུ།། ལུས་ལ་རྒྱན་དང་བྱི་དོར་བྲལ།། ངག་ནི་དོན་མེད་ཅལ་ཅོལ་ཏེ།། སེམས་ནི་ཁམས་གསུམ་ཟློག་རེ་སྐན།། རིག་པ་ཚད་ལ་ཕེབས་དུས་སུ།། ལུས་ནི་འབྱུང་ལྔ་ཐོགས་མེད་འགྲོ།། ངག་ལ་ཀུན་ཉན་ཆོས་སུ
310a5 འོངས།། སེམས་ནི་ཡིད་ཆེས་གདེང་ལྡན་ནོ།། ཆོས་རྣམས་ཟད་པའི་སྣང་བའི་དུས།། ལུས་ལ་གཤེད་མས་ཡ་མེད།། ངག་ནི་ཟུངས་ཟད་ལད་མོ་བྲག་ཆ་འདྲ།། སེམས་ནི་བག་ཆག་སྐད་ཅིག་ཡལ།། བར་སྣང་ན་བུན
310a6 ཅི་བཞིན་འགྱུར།། ཀྱེ་ཧོ་སེམས་དཔའ་རྡོ་རྗེ་རྩལ།། གསུམ་པ་ཐོབ་པ་གསུམ་གྱིས་ནི།། ཟག་བཅས་ཕུང་པོ་རང་ཡལ་ཏེ།། སྐྱེ་བ་ཉིད་ལ་རང་དབང་ཐོབ།། ཕུང་པོའི་སྣང་བ་རང་འགགས་ཏེ།། རྡོས་བཅས་མི་སྣང་བ
iiif viewer powered by OpenSeadragon
