| e-texts navigator |
| Wylie |
30b1 ཚོགས་ཟེར།། ཁ་རླངས་སྤྲིན་ཕུང་ཟངས་ཀྱི་ཐོག་འབེབས་མ།། ཐུགས་ལས་སྤྲུལ་པའི་ལྟས་ངན་དགྲ་ལ་གཏོང་།། གཡས་ན་ཟངས་གྲི་དམར་པོས་སྲོག་རྩ་གཅོད།། གཡོན་པས་གློག་ཞགས་དམ་ཉམས་ཀུན་འཆིང
30b2 མ།། ཁྱེད་ཀྱི་ཆིབས་སུ་ཀླུ་རྒྱལ་སྡིག་པ་བཅིབས།། བསྟན་པ་འཇིག་པའི་དམ་ཉམས་ལོག་སྲེད་ལ།། ཁྲག་ནད་གཟེར་བ་དུས་འདིར་མྱུར་དུ་ཕོབ།། བྱང་ཕྱོགས་འཁོར་ལོ་འབར་བའི་རྩིབས་སྟེང་དུ།། སྲིང་གཅིག་ཆེན
30b3 མོ་འབྲོག་སྲིན་ཆུ་སྲིན་གདོང་།། སྐུ་མདོག་ལྗང་ནག་འོད་འབར་བཞད་མོ་ཆེ།། ལྕགས་ཀྱི་རལ་ཆེན་ཚ་ཚ་རབ་ཏུ་འཁྲུག། ཆུ་སྲིན་གཡང་གཞིའི་སྟོད་གཡོགས་ཡ་བས་བསྐོར།། སྙན་ནས་འབྲུག་སྒྲོགས་སྤྱན་ནས་ཁྲག
30b4 ཆེན་འཐོར།། ཤངས་ནས་རྫི་འབུད་ལོ་ཉེས་འཁྲུག་པ་གཏོང་།། ལྗགས་ནས་གློག་འགྱུ་སྟོང་ཁམས་འོད་ཀྱིས་སྲེག། ཞལ་གདངས་ཁྲག་གི་ཆར་ཆེན་རབ་ཏུ་འབེབས།། ཁྲག་ཞག་དུག་སྐྱུགས་ལྷོག་རྒལ་གག་པ
30b5 གཏོང་།། ཁ་རླངས་སྤྲིན་ལས་རྡོ་རྗེ་ཐོག་འབབས་མ།། ཐུགས་ལས་ལྟས་ངན་སྣ་ཚོགས་སྤྲུལ་པ་འགྱེད།། གཡས་ན་རྡོ་རྗེ་བེ་ཅོན་འཕྱར་ཞིང་བརྡེག། གཡོན་ན་འཇའ་ཞགས་སྐྱེ་འགྲོ་ཀུན་འཆིང་མ།། ཁྱེད་ཀྱི་ཆིབས་སུ
30b6 ཁྲོ་རྒྱལ་སྨིག་པ་བཅིབས།། བསྟན་པ་འཇིག་པའི་དམ་ཉམས་འབྱུང་པོ་ལ།། ལྐོག་རྒལ་གག་པ་མ་ཐོགས་མྱུར་དུ་ཕོ་བ།། ཀུན་ཀྱང་སྲིན་མི་མི་སྲན་འཇིག་བྱེད་མ།། ནམ་མཁའི་དཀྱིལ་ནས་འབྲུག་གི་སྒྲ་སྒྲོགས
iiif viewer powered by OpenSeadragon
