| e-texts navigator |
| Wylie |
309b1 འཛིན་པ་མེད།། ཆོས་རྣམས་ཟད་ཅེས་ཐ་སྙད་བཏགས།། ཉམས་ལུས་དབང་པོ་རྟོག་ཚོགས་དང་།། ཚིག་གི་འཁྲུལ་ཞེན་ཐམས་ཅད་ཟད།། ཟག་པའི་ཕུང་པོ་མི་སྣང་བར།། རང་སངས་ཉིད་དུ་སངས་རྒྱའོ།། ཞེས
309b2 གསུངས་ནས། ཀ་དག་བརྗོད་བྲལ་གྱི་ངངལ་ལྷན་ནེར་བཞུགས་སོ།། ཐེག་པའི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། སྣང་བཞི་རྟགས་ཚད་བསྟན་པའི་ལེའུ་སྟེ་སོ་བརྒྱད་པའོ།། །། ས་མ་ཡ། རྒྱ་རྒྱ
309b3 རྨྱགས་ཀྱི་གཏ་གས་ནས་པའི་སེམས་དཔའ་རྡོ་རྗེས་ཡང་ཞུས་པ།། ཀུ་ཙཾ་སྟོན་པ་ཀུན་ཏུ་བཟང་།། སྣང་བཞིའི་རྟགས་ཆད་དེ་ལྟར་ན།། དེ་ཡི་རྒྱབ་བརྟེན་ཇི་ལྟ་ཐ།། རིག་མདངས་འཁོར་ལ་བཀའ་ཚུལ་ཅིག། སྟོན་པས
309b4 གསན་ཏེ་བཀའ་སྩལ་པ།། ཨ་ཧོ་རིག་མདངས་འཁོར་རྣམས་ཉོན།། དེ་ཡི་རྒྱབ་བརྟེན་དགུ་ཡིན་ཏེ།། དང་པོར་མི་འགུལ་གསུམ་དུ་བསྟན།། ལུས་ནི་སྐུ་གསུམ་བཞུགས་སྟངས་ལས།། སྐད་ཅིག་ཙམ་ཡང་མི་འབྲལ
309b5 བྱ།། དེ་ལྟར་ལུས་ཉིད་མ་འགུལ་བས།། རྩ་མིག་རླུང་སེམས་མི་འགུལ་ལོ།། གཟིགས་སྟངས་གསུམ་ལས་འགུལ་མི་བྱ།། རྩ་གནད་སྒོ་ཡི་ཁྱད་པར་གྱིས།། རིག་པ་སྒྲོན་མར་འཆར་བའོ།། རྩ་མ་འགུལ་ན་མིག་གི
309b6 འགུལ།། སྒྲོན་མ་མི་འགུལ་གནད་དུ་ཆེ།། སེམས་མ་འགུལ་བས་རྟོག་མི་འབྱུང་།། དབྱིངས་རིག་འདུ་འབྲལ་མེད་པ་སྟེ།། མི་འགུལ་གསུམ་ལ་གཞི་བཅས་པས།། རླུང་སེམས་གནད་ལ་ཕེབས་པའོ།། ཀྱེ་ཧོ་སེམས
iiif viewer powered by OpenSeadragon
