| e-texts navigator |
| Wylie |
309a1 པའི་འོད་སྣང་གསལ།། མཐའ་མི་གནས་པའི་སྟོང་ཉིད་ལ།། རང་རིག་སྒྲིབ་བྲལ་འོད་སྣང་གསལ།། རྣལ་འབྱོར་འོད་སྣང་གོམས་པ་ཡིས།། འབྱུང་བཞི་ཐམས་ཅད་བག་ལ་ཞ།། ཐམས་ཅད་སྟོང
309a2 གསལ་དང་ལ་རྫོགས།། ཆོས་རྣམས་ཟད་པའི་སྣང་བ་འདི།། སྟོང་གསལ་འགག་པ་མེད་པ་སྟེ།། དྲི་མ་ཀུན་ལས་འདས་པའོ།། འོད་ཟེར་དཀར་པོའི་ཚུལ་དུ་ཤར།། ཡོན་ཏན་ཐམས་ཅད་རྫོགས་པའི་བརྡ།། འོད་ཟེར
309a3 སེར་པོའི་ཚུལ་དུ་ཤར།། ཆོས་རྣམས་མ་བཙལ་བཞག་པའི་ཕྱིར།། འོད་ཟེར་དམར་པོའི་ཚུལ་དུ་ཤར།། བྱ་བ་ཐམས་ཅད་རྫོགས་པའི་ཕྱིར།། འོད་ཟེར་ལྗང་གུའི་ཚུལ་དུ་ཤར།། མི་འགྱུར་ཀུན་ལ་ཁྱབ་པའི་ཕྱིར། ཁ
309a4 དོག་མཐིང་གའི་ཚུལ་དུ་ཤར།། དེ་ལྟར་སྐུ་ཡི་གསལ་ཆ་ཡིས།། རིག་པ་དྲི་མ་མེད་པ་མཐོང་།། ཐིག་ལེ་སྟོང་པའི་སྒྲོན་མ་ཡིས།། རིག་པ་ཐིག་ལེ་ཉག་གཅིག་མཐོང་།། ཡེ་ཤེས་ལྔ་ཡི་གསལ་ཆ་ཡིས།། རིག་པ་ཉིད
309a5 ཀྱིས་གསལ་ཆ་མཐོང་།། འོད་ཟེར་ལྔ་ཡི་གསལ་ཆ་ཡིས།། རིག་པ་ཉིད་ཀྱི་ཁ་དོག་མཐོང་།། སྣང་བ་བཞི་ཡི་གསལ་ཆ་ཡིས།། རིག་པ་ཉིད་ཀྱི་རང་བཞིན་མཐོང་།། ཤེས་རབ་ལྔ་ཡི་གསལ་ཆ་ཡིས།། རིག་པ་རང་སྣང
309a6 ཚུལ་དུ་མཐོང་།། རིག་པ་ཉིད་ལ་སུ་གོམས་པ།། འདིས་ནི་རང་ལུས་རང་སར་དེངས།། དེ་ཡི་ཚད་ལ་གང་གོམས་པ།། ཆོས་རྣམས་ཀུན་ཀྱང་ཟད་པའོ།། འདི་དུས་ཉམས་ཀྱི་འཕེལ་ཟད་སྟེ།། སྣང་ཉམས་སྣང་ཡང
iiif viewer powered by OpenSeadragon
