| e-texts navigator |
| Wylie |
308b1 རྟགས་ཚད་ནི།། ཉམས་མྱོང་མཐར་ཕྱིན་དུས་སུ་གསལ།། སྐུ་གསུམ་འབྲུ་ཡི་རྟགས་ཚད་ནི།། ཆོས་རྣམས་ཟད་པའི་དུས་ན་གསལ།། ཐུགས་རྗེའི་གཞན་དོན་རྟགས་ཚད་ནི།། ཡེ་ཤེས་མཁྱེན་པའི་དུས་ན་གསལ། ཁ
308b2 དོག་དབྱིབས་ཟད་ཚད་འཛིན་པ།། ཕྱི་ནང་གཉིས་ཀྱི་མཚམས་སུ་བརྟགས།། དེ་ལྟར་རྟགས་རྣམས་རྒྱས་པ་ཡིས།། དོན་རྣམས་ཀུན་ལ་ཡིད་ཆེས་འགྱུར།། རྡོ་རྗེ་འཆང་ཆེན་ང་ཡིས་བཤད།། ཆོས་ཉིད་ཟད་པའི་སྣང་བ
308b3 ཡིས།། ཡུལ་སྣང་ཐམས་ཅད་གཅེར་གྲོལ་ཉིད།། སྟོང་པས་སྟོང་པའི་ཚད་ཟིན་ཏེ།། གྲུབ་མཐའི་ཞེན་པ་དུས་ཅིག་ཆོད།། འཁོར་འདས་གཉིས་སུ་མེད་པའོ།། འབྱུང་བ་ཐམས་ཅད་རང་སར་དག། ཆུ་ཡི་སྣང་བ་དྲི་མ
308b4 མེད།། ཀུན་ཁྱབ་ཆེན་པོའི་སྟོང་པ་ཉིད།། མེ་ཡི་སྣང་བ་རང་བྱུང་བས།། རང་སྣང་ཆེན་པོའི་སྟོང་པ་རྙེད།། རླུང་གི་སྣང་བ་རང་སངས་པས།། བསྐྱོད་པ་ཆེན་པོའི་སྟོང་པ་རྙེད།། ནམ་མཁའི་སྣང་བ་ཡེ་སངས
308b5 པས།། དག་པ་ཡུལ་གྱི་སྟོང་པ་རྙེད།། དེ་ལྟར་ཆོས་ཉིད་སྟོང་པ་ཉིད།། དྲན་པ་ཆེན་པོ་ངོ་སྤྲད་པས།། སྟོང་གསལ་གཉིས་ཀྱི་མཐའ་ལས་འདས།། ཡེ་ནས་མེད་པའི་སྟོང་ཉིད་ལ།། འབྱུང་བ་ཟད་པའི་འོད་སྣང
308b6 གསལ།། བྱ་བྱེད་བྲལ་བའི་སྟོང་ཉིད་ལ།། སྐུ་གསུམ་མཚོན་པའི་འོད་སྣང་གསལ།། འབྱུང་བ་ཟད་པའི་སྟོང་ཉིད་ལ།། རྣལ་འབྱོར་ལྡན་པའི་འོད་སྣང་གསལ།། རྒྱུན་དུ་གསལ་བའི་སྟོང་ཉིད་ལ།། རང་གསལ་གཞག
iiif viewer powered by OpenSeadragon
