| e-texts navigator |
| Wylie |
308a1 གསལ།། རིག་པ་སྐུ་རུ་སྨིན་པའི་ཚད།། ཐིག་ལེ་སྐུ་རུ་སྣང་དུས་གསལ།། བར་དོའི་སྣང་བ་མེད་པའི་ཚད།། ཐིག་ལེ་སྐུར་བཅས་ཤར་དུས་གསལ།། སྐུ་གསུམ་ལམ་དུ་རྫོགས་པའི་ཚད།། ཐིག་ལེ་སྐུ
308a2 ལྔས་བརྒྱན་དུས་གསལ།། འབྱུང་བ་རང་དག་སོང་བའི་རྟགས།། ཕུང་པོ་འོད་གསལ་གྲོལ་དུས་གསལ།། ཆོས་ཉིད་ཟད་སར་སླེབ་པའི་རྟགས།། འཕེལ་རྣམས་ཐམས་ཅད་ཟད་དུས་གསལ།། ལུས་ཀྱི་བདེ་དྲོད་རྟགས
308a3 ཚད་ནི།། རེས་འཇོག་བྲལ་བའི་དུས་སུ་གསལ།། གསུང་རྣམས་རང་སྒྲའི་རྟགས་ཚད་ནི།། སྲིད་པ་གཞི་བཞེངས་བར་ལ་གསལ།། རང་སྣང་མི་འགྱུར་རྟགས་ཚད་ནི།། འབྱུང་བ་ཟད་པའི་དུས་སུ
308a4 གསལ།། ཡེ་ཤེས་ཐུགས་ཀྱི་རྟགས་ཚད་ནི།། སྣང་བ་བཞི་བཞག་དུས་སུ་གསལ།། དགོངས་པ་རྣམས་ཀྱི་རྟགས་ཚད་ནི།། རིག་པ་སྲང་ལ་ཚུད་དུས་གསལ།། ཏིང་ངེ་འཛིན་གྱི་རྟགས་ཚད་ནི།། འདུ་ཤེས་གསུམ་དང
308a5 བྲལ་དུས་གསལ།། ཆོས་ཉིད་མི་གཡོའི་རྟགས་ཚད་ནི།། མཉམ་པ་ཉིད་ཀྱི་དུས་སུ་གསལ།། ལྷག་མཐོང་ཉིད་ཀྱི་རྟགས་ཚད་ནི།། བླ་མའི་གདམས་ངག་ཉིད་ལ་གསལ།། འབད་མེད་རང་གྲོལ་རྟགས་ཚད་ནི། ཁྲེགས
308a6 ཆོཚོད་ཐོད་རྒལ་མཚམས་སུ་གསལ།། ལུས་གནད་ཡེ་ཤེས་རྟགས་ཚད་ནི།། འདུས་སྟངས་རྣམས་ཀྱི་དུས་སུ་གསལ།། ལྷ་སྒོམ་རང་གྲོལ་རྟགས་ཚད་ནི།། བློ་འཛིན་དྲི་མ་དག་དུས་གསལ།། ཡིད་ཆེས་གོམས་པའི
iiif viewer powered by OpenSeadragon
