| e-texts navigator |
| Wylie |
307b1 འབྱོར་མངོན་ཤེས་གྲུབ་པ་ཡིན།། སྐད་དང་བརྡ་ལ་བརྟེན་པ་ཡིས།། འདས་དང་མ་འོངས་ད་ལྟར་ཤེས།། འདི་ནི་སེམས་ཅན་དོན་ཀུན་བྱེད།། འདི་མེད་དོན་མི་ནུས་པ་ཡིན།། དེ་ཕྱིར་སྒྲ་ལ་གོམས་པར་བྱ།། སོ་སོའི
307b2 སྐད་ལ་བརྟེན་པ་ནི།། འདི་ཉིད་རང་གིས་དུས་གསུམ་བརྟག། ཡེ་ཤེས་རྣམས་ཀྱི་རྟགས་ཚད་ནི།། རང་སྣང་ཡུལ་སྣང་རྒྱས་དུས་གསལ།། ཆོས་ཀྱི་སྐུ་ཡི་རྟགས་ཚད་ནི།། གནོད་པའི་རྐྱེན་རྣམས་བྲལ་དུས
307b3 གསལ།། ལོངས་སྐུ་ཉིད་ཀྱི་རྟགས་ཚད་ནི།། ཆོས་ཉིད་མ་བུ་འཕྲད་དུས་གསལ།། སྤྲུལ་པ་སྐུ་ཡི་རྟགས་ཚད་ནི།། འཁོར་འདས་མི་ཕྱེད་མཚམས་སུ་གསལ།། བླ་མའི་མན་ངག་རྟགས་ཚད་ནི།། འབྱུང་བ་དེངས་པའི
307b4 མཚམས་སུ་གསལ།། སྙིང་པོ་དོན་གྱི་རྟགས་ཚད་ནི།། ཐིག་ལེ་འདུས་པའི་དུས་སུ་གསལ།། དབྱིངས་ཀྱི་རྒྱན་ཚོགས་རྟགས་ཚད་ནི།། གནད་ཕེབས་པར་དོ་མེད་དུས་གསལ།། འཁྲུལ་སྣང་བྲལ་བའི་རྟགས་ཚད
307b5 ནི།། རྣམ་རྟོག་ཡུལ་ཞེན་བྲལ་དུས་གསལ།། འཁོར་འདས་གཉིས་ཀྱི་རྟགས་ཚད་ནི།། དབྱིངས་ལ་ཉིན་མཚན་མེད་ན་གསལ།། དབྱིངས་ན་རིག་པ་ཚུད་པའི་རྟགས།། ཐིག་ལེ་སྲན་འབྲུ་འགྲོ་འོང་གསལ།། ཕུང་པོ
307b6 བོར་ནས་སངས་རྒྱས་ཚད།། སྙིང་པོ་བཅུད་དུ་དྲིལ་དུས་གསལ།། ཐིག་ལེ་ཆེད་དུ་ཕྱིན་པའི་ཚད།། ཐིག་ལེ་བསེ་ཕུབ་ཙམ་ལ་གསལ།། སྣོད་བཅུད་སྨིན་པའི་རྟགས་ཚད་ནི།། ཐིག་ལེ་མུ་ཁྱུད་བསྐོར་དུས
iiif viewer powered by OpenSeadragon
