| e-texts navigator |
| Wylie |
306a1 ཆེན་པོ་ཧུབ་ཀྱིས་ཐེབས།། རི་རབ་ཀུན་ཀྱང་སྲང་ལ་འཇལ། ཁམས་གསུམ་པོ་ནི་རྟིང་ནས་ཟློག། སྲིད་པ་ཐམས་ཅད་གདར་ཤ་བཅད།། སེམས་ཅན་མ་ལུས་སྲོག་བཅད་ནས།། སངས་རྒྱས་རྣམས་དང
306a2 དབྱེར་མི་ཕྱེད།། ཀུན་ཏུ་བཟང་པོའི་བྱང་ཆུབ་སེམས།། མི་སྣང་མི་འགྱུར་ལམ་རིག་གསལ།། བློ་བྲལ་འདི་ལ་འདིས་པའི་མིས།། བརྗོད་མེད་རང་དག་རྙེད་པའོ།། འདི་ནི་ཡོན་ཏན་བསམ་ལས་འདས།། དཔག་མེད
306a3 སངས་རྒྱས་རྣམས་དང་མཉམ།། ཆོས་དབྱིངས་ཟད་པའི་སྣང་བ་ལ།། ལྟ་བ་བྱ་བ་གཏན་ནས་མེད།། བལྟ་བ་མེད་ཕྱིར་སྣང་བ་ཟད།། ཀུན་བཟང་ཆོས་ཉིད་ཡངས་པ་ཆེ།། དེ་བཞིན་སྒོམ་པ་ཉིད་ཀྱང་མེད།། བསྒོམ་པ
306a4 མེད་ཕྱིར་དྲན་པ་འགགས།། སྤྱོད་པ་ཞེས་ནི་བརྗོད་དུ་མེད།། སྤྱོད་པ་མེད་ཕྱིར་ལུས་འབྱུང་ཟད།། ཟད་པ་འདི་ལ་མཐའ་བརྟེན་ནས།། མེད་དེ་མི་སྣང་སྣང་བ་མེད།། ལྷ་དང་སྲིད་པའི་བདག་པོ་ཀུན།། ཆོས་ཉིད་ཟད
306a5 པའི་ཡུལ་སྣང་ལ།། འདི་ལ་སྐྲག་ཅིང་སྔངས་པ་ནི།། འཇིག་རྟེན་མཐུན་པའི་གཟུགས་ཕུང་ནས།། འཕགས་པའི་བདེན་པ་ཉིད་དང་བྲལ།། འཁོར་བའི་དཔུང་ལ་མངོན་པར་ཞེ་ན།། དེས་ན་རིག་སྣང་ཡུལ་ལ
306a6 ལྟོས།། རིག་སྣང་འདི་ལ་སུ་འདྲིས་པ།། ཐོག་མའི་ཀུན་ཏུ་བཟང་པོ་དང་།། སྐལ་པ་ཉིད་ནི་མཉམ་པའོ།། དེ་ཕྱིར་ཆོས་རྣམས་ཟད་པའོ།། ཆོས་རྣམས་ཟད་པའི་སྣང་བ་ནི།། ཐམས་ཅད་རང་གི་རིག་པར་འདུས།། རིག
iiif viewer powered by OpenSeadragon
