| e-texts navigator |
| Wylie |
305b1 ཚད།། ཐོར་ཚུགས་རླུང་གིས་གང་བར་སྣང་།། རང་གི་ལག་པའི་སོར་མོ་ལ།། འོད་ཟེར་ཕྲེང་བ་རྣམ་པར་འཁྲིགས།། མགོ་བོ་ཐོད་པའི་གཞལ་ཡས་ནས།། ཧེ་རུ་ཀ་རྣམས་བརྗིད་པར་གསལ།། དེ་དུས་རང་ལུས་ཚད
305b2 ལ་ཕེབས།། སྐུ་གསུམ་ཟང་ཐལ་ཉིད་དུ་གསལ།། འདི་ལྟར་སུ་ལ་བསྟན་པའི་མིས།། རིག་པ་ཚད་ཕེབས་སྣང་བ་ཡིན།། འདི་ལྟར་ཚད་ལ་སུས་ཐེབས་པ།། སྐུ་གསུམ་རྟོགས་པའི་རང་སྣང་འདས།། ཀྱེ་ཧོ་སེམས
305b3 དཔའ་རྡོ་རྗེ་ཉོན།། ཆོས་རྣམས་ཟད་པའི་སྣང་བ་བསྟན།། རིག་པ་ཚད་ལ་ཕེབས་གྱུར་ནས།། བློ་ཡི་ཆོས་རྣམས་ཟད་པ་ཡིན།། ཡིན་ཀྱང་སྣང་བ་གཏན་ལ་ཕེབས།། སངས་རྒྱས་གྲངས་ལས་འདས་པ་ཡིས།། ལུང
305b4 རྣམས་གཅིག་ཏུ་དྲིལ་ནས་བསྟན།། ཚིག་གི་རྒྱལ་པོ་འདི་དག་ཀུན།། རྣལ་འབྱོར་རྣམས་ཀྱིས་ཡིད་ལ་ཞོག། མི་རྟོག་ཡེ་ཤེས་ལས་བྱུང་བའི།། མ་བཙལ་བཞག་པའི་མན་ངག་གིས།། ཡེ་ཡོད་དང་པོའི་སངས་རྒྱས
305b5 རྙེད།། ཆོས་ཉིད་ཟད་པའི་སྣང་བ་ཡིས། ཁམས་གསུམ་འཁོར་བའི་རྒྱུན་ཟག་བཅད།། དེ་ཚེ་ང་ཡི་སྣང་བ་དག། རྟག་པའི་རྟགས་ཚད་ཆོས་རྣམས་ཟད།། ཆོས་རྣམས་ཟད་ནས་འཁོར་བ་སྟོངས།། འཁོར་བ་སྟོངས་པའི
305b6 རྟགས་ཚད་ནི།། རིགས་དྲུག་གཟུགས་རྣམས་མི་སྣང་ངོ་།། གཟུགས་འཛིན་མེད་པའི་བལྟ་བ་ནི།། ཆོས་ཉིད་ཟད་པའི་སྣང་བ་ཡིན།། འདི་ཡི་མཚན་ཉིད་སུས་རིག་པ།། སྟོང་གསུམ་ཀུན་ཀྱང་ཉུང་འབྲུར་ཆུད།། རྒྱ་མཚོ།
iiif viewer powered by OpenSeadragon
