| e-texts navigator |
| Wylie |
305a1 སྲོག་བཅད་གྲོལ་བར་འགྱུར།། སྲོག་མ་བཅད་ན་སངས་རྒྱས་འབྱུང་མི་འགྱུར།། བདག་ཉིད་ལྷ་ཡི་དཀྱིལ་འཁོར་རང་རྫོགས་པས།། ཡི་དམ་ལྷ་ལ་མཆོད་པ་མི་འབུལ་ལོ།། འབུལ་ན་འབྲལ་མཁན
305a2 བཅིངས་པར་འགྱུར།། མཆོད་པ་ཕྱག་རྒྱ་ལ་སོགས་རྒྱལ་བའི་སྐུ་ལ་སྒྲིབ།། ཕྱག་རྒྱ་བསྒྱུར་ན་རིན་ཆེན་རླག་པར་འགྱུར།། ད་ཀྱིལ་འཁོར་བྲིས་ན་རང་གི་དེ་ཉིད་ཡལ།། སངས་རྒྱས་དགོངས་པ་བྱ་བྱེད་བྲལ
305a3 བའོ།། བསམ་གཏན་ཏིང་འཛིན་ལ་སོགས་གསལ་ཉིད་དུ་འགྲོ།། འདི་དུས་མ་བསྒོམས་པས་ཀྱང་ཆོ་ག། འབྲས་བུ་ཐོབ་ལ་ཐེ་ཚོམ་མེད།། རིག་པ་ཚད་ལ་ཕེབ་པའི་རྟགས།། རང་སྣང་ཅི་ལ་བཅུག་ཀྱང་ཚད།། བེམ་པོ
305a4 ཀུན་ཀྱང་འགུལ་བར་ནུས།། རླུང་གི་འགྱུ་བའི་ཚད་ཟིན་དང་།། ལུས་ཀྱི་རྡུལ་ཕྲན་མཐོང་བ་དང་།། ཅིར་སྣང་གཟུགས་སྐུ་རྫོགས་པ་དང་།། དེ་ལ་ཡབ་ཡུམ་འཁྲིལ་བ་དང་།། ལྔ་ལྔ་ཡབ་ཡུམ་སྦྱོར་བ་དང་།། ཀུན་ཀྱང
305a5 མུ་ཁྱུད་ཟླུམ་པོ་ལ།། རྣལ་འབྱོར་ལུས་ཀུན་འོད་དུ་གསལ།། འགྲོ་དང་འོང་དང་འདུག་པར་སྣང་།། ཐམས་ཅད་རིག་པ་ཚད་ལ་ཕེབས།། ལུས་ནི་ཚད་དུ་ཕེབས་པ་ཡིས།། བར་སྣང་འོད་ཀྱི་སྐར་ཁུང་གསལ།། དེ་ལ
305a6 འོད་ཟེར་ལྕགས་ཀྱུའི་དབྱིབས།། འཁྲིལ་ཞིང་འཁྲིལ་བའི་སྣང་བ་འཛིན།། རང་ལུས་དངོས་པོ་རང་དག་ནས།། ཟང་ཐལ་དྲི་མེད་འོད་ཀྱི་ལུས།། དབུས་སུ་ཡི་གེ་ཨ་དང་བཅས།། སྨིན་ཕྲག་འོད་ཟེར་འདོམ་གང
iiif viewer powered by OpenSeadragon
