| e-texts navigator |
| Wylie |
303a1 ལྟ་བ་ལ།། ང་ལ་དཔྱོད་པའི་ཡུལ་མེད་དོ།། ང་ལ་སྔ་རབས་འདས་པ་མེད།། ང་ལ་ཕྱི་རབས་འབྱུང་བ་མེད།། ང་ལ་ད་ལྟའི་སྣང་བ་མེད།། ང་ལ་ལས་དང་བག་ཆགས་མེད།། ང་ལ་མ་རིག་པ་ཡང
303a2 མེད།། ང་ལ་ཡིད་ཀྱང་ཡོད་མ་ཡིན།། ཤེས་རབ་འཁོར་བ་གཉིས་ཀ་མེད།། འཁོར་བ་མྱང་འདས་གཉིས་ཀ་མེད།། རིག་པ་ཉིད་ཀྱང་ཡོད་མ་ཡིན།། ཡེ་ཤེས་སུ་ཡང་སྣང་བ་མེད།། རང་བྱུང་ཡེ་ཤེས་སྲོག་མེད
303a3 པས།། དགེ་སྡིག་གཉིས་ལས་འདས་པའོ།། རང་བྱུང་ཡེ་ཤེས་གཞི་མེད་པས།། སྣང་བའི་རྟོག་པ་ཆོད་པའོ།། ང་ལ་འདུ་འབྲལ་གཉིས་མེད་པས།། ཡེ་ཤེས་སྐུ་ཉིད་མངོན་པར་སྣང་།། ང་ལ་གཟུགས་སྣང་མཐའ་དང
303a4 བྲལ།། ཡུལ་སྣང་ཀུན་ལས་འདས་པའོ།། ང་རང་བྱུང་ཡེ་ཤེས་རྩིས་མེད་པས།། གཟུངས་འཛིན་གཉིས་ལས་འདས་པའོ།། ང་ལ་རང་བྱུང་ཡེ་ཤེས་ཕྱི་ནང་མེད།། སྐྱོན་དང་ཡོན་ཏན་གཉིས་ལས་འདས།། ང་རང་བྱུང
303a5 ཡེ་ཤེས་ཀ་ནས་དག། ཡིན་མིན་གཉིས་ཀྱི་མཐའ་ལས་འདས།། ང་ལ་རང་བྱུང་ཡེ་ཤེས་ཆོས་མེད་པས།། མཐའ་གཉིས་ལས་ནི་འདས་པའོ།། ང་ལ་རང་བྱུང་ཡེ་ཤེས་འགྱུ་བྱེད་མེད།། ཤེས་རབ་ཀུན་ལས་འདས
303a6 པའོ།། ང་ལ་སྐྱེ་དང་འཆི་མེད་པས།། འགག་པའི་ཆོས་ནི་ཡོངས་སུ་རྫོགས།། ང་ལ་ཕྱི་དང་ནང་མེད་པས།། གསལ་བའི་ཆོས་ནི་ཡོངས་སུ་རྫོགས།། ང་ལ་སྟོང་དང་དངོས་མེད་པས།། སྣང་བའི་ཆོས་རྣམས་ཡོངས་སུ
iiif viewer powered by OpenSeadragon
