| e-texts navigator |
| Wylie |
302b1 སྟོང་པ་ཉིད།། སྟོང་པ་ཐམས་ཅད་གཟུགས་སྣང་ངོ་།། སྟོང་དང་མཚན་མ་མེད་པར་ཡོངས་ཤེས་ན།། སྤྲོས་མེད་དག་པའི་ཡེ་ཤེས་ཡིན།། བློ་ཤེས་རྟོག་པས་བྱང་ཆུབ་ཚོལ་མི་བྱེད།། གང་ཞིག་དེ་ནི་ཕ་རོལ་ཕྱིན།།
302b2 ཁྲིཁྲེགས་ཆོད་ང་ཡི་ལྟ་བ་ལ།། ངོ་བོ་རང་ཐོག་ཕབ་པ་ཡིན།། རིག་པ་ཡེ་ཤེས་སྣང་མེད་ལས།། བེམ་པོའི་སྣང་བས་ངས་མི་སྒྲིབ།། སྟོང་པའི་ཆོས་ཉིད་ཡུལ་མེད་པས།། སྟོང་པ་ཉིད་ལ་ང་མི་གནས།། མཚན་མར་འཛིན།
302b3 པའི་དངོས་དག་པས།། འཛིན་པའི་ཆོས་ལ་ང་མི་གནས།། ཤེས་རབ་ཆེན་པོ་རང་བྱུང་བས།། སྡེ་སྣོད་ཆོས་ལ་ང་མི་གནས།། ང་ལ་དགེ་དང་སྡིག་མེད་པས།། འཁོར་བའི་ཆོས་ལ་ང་མི་གནས། ཁྲེགས་ཆོད་གཞི་ཡི་ལྟ།
302b4 བ་ལ།། ཐམས་ཅད་ང་ཡི་ངོ་བོར་རྫོགས།། ང་ནི་སྟོང་པའི་ཚིག་དང་བྲལ།། ང་ལ་མུན་པའི་ཆོས་མེད་པས།། ང་ནི་ཡེ་ནས་སྐྱོན་དང་བྲལ།། ང་ལ་འབྱུང་བའི་བདུད་མེད་པས།། ང་ནི་སྣ་ཚོགས་རྐྱེན་དང་བྲལ།། ང་ལ
302b5 རྟག་པའི་མཐའ་མེད་པས།། ང་ནི་ཡིད་ཆེས་ཆོས་དང་བྲལ།། ང་ལ་འཛིན་པའི་ཚིག་མེད་པས།། ང་ནི་ཆད་པའི་ཕྱོགས་དང་བྲལ།། ང་ལ་དངོས་པོའི་ཡུལ་མེད་པས།། འཁོར་བའི་སྡུག་བསྔལ་ཆོས་ལས་གྲོལ།། ང་ལ
302b6 འཛིན་རྟོག་མེད་པ་ཡིས།། ང་ནི་དགེ་སྡིག་གཉིས་དང་བྲལ།། ང་ལ་ཕྱོགས་ལྷུང་མེད་པ་ཡིས།། ང་ནི་འཁྲུལ་པའི་སེམས་དང་བྲལ།། ང་ལ་བྱས་པའི་ཆོས་མེད་པས།། ང་ནི་རང་བྱུང་ལྷུན་གྱིས་གྲུབ།། རང་བྱུང་ཡེ་ཤེས
iiif viewer powered by OpenSeadragon
