| e-texts navigator |
| Wylie |
302a1 དབུས་མེད།། ལྷག་མ་མེད་པས་ཆ་ཤས་མིན།། གཅིག་ཏུ་མ་ཡིན་གཉིས་མཐའ་ཟད།། དུ་མར་མི་གནས་གཅིག་མཐའ་ཟད།། མཐའ་ཡང་མི་གནས་རང་སངས་ཉིད།། བརྗོད་དུ་མེད་པའི་ཚིག་གི
302a2 གཞི།། དངོས་བྲལ་སྟོང་པ་སྙིང་པོའི་དོན།། ཕྱོགས་སུ་མ་ལྷུང་ངོ་མཚར་ཆེ།། འདི་ཤེས་འཁོར་བའི་ལམ་རྒྱུན་འགགས།། ལྟ་བ་བལྟ་རུ་མེད་དེ་གཅེར་གྲོལ་དང་།། སྒོམ་པ་བསྒོམ་རྒྱུ་མེད་དེ་རང་བབས་ཀློང་།། སྤྱོད
302a3 པ་སྤྱོད་རྒྱུ་མེད་དེ་བདག་འཛིན་གྲོལ།། འབྲས་བུ་ཐོབ་རྒྱུ་མེད་དེ་རྒྱུ་འབྲས་ཟད།། ཆོས་སྐུ་མཚན་མའི་ཡུལ་དང་བྲལ།། ལོངས་སྐུ་གཟུང་འཛིན་ཡུལ་དང་བྲལ།། སྦྲུལ་སྐུ་ཆགས་པའི་ཡུལ་དང་བྲལ།། རྟོག་མེད་རང
302a4 སངས་རྙོག་པ་མེད།། འཛིན་མེད་རང་གྲོལ་ཕྱོགས་རིས་མེད།། སྣང་བ་རྟོག་མེད་མཁའ་ལ་རོལ།། སྐྱེ་མེད་ཆོས་ཉིད་མཉམ་པ་ཉིད།། ཡང་དག་ཆོས་ལ་སྒྲོ་བཏགས་མེད།། བསམ་འདས་བརྗོད་མེད་ངོ་བོ་ནི།། རྣམ
302a5 རྟོག་ཕྱོགས་སུ་མ་ལྟུང་བ།། མི་རྟོག་སྐུ་ལ་ཡང་དག་བལྟ་བར་བྱ།། བསྒོམ་མེད་སྒོམ་བྲལ་ཉིད་ཀྱི་ངོ་བོ་བཟུང་།། འདའ་མེད་བསྲུང་མཚམས་བྲལ་བའི་དམ་ཚིག་བསྲུང་།། ཆོས་རྣམས་རང་བཞིན་བདག་མེད
302a6 པས།། དངོས་པོ་མེད་པའི་འདུ་ཤེས་བསྒོམ།། རང་སྣང་ཡིད་སྤྱོད་དག་པ་ལ།། བློ་འདས་རང་རིག་དང་ལ་སྤྱོད།། སྤང་ཐོབ་མེད་པའི་འབྲས་བུ་ལ།། རེ་དོགས་མེད་པའི་རྒྱུ་འབྲས་ཡལ།། གཟུགས་སྣང་ཐམས་ཅད
iiif viewer powered by OpenSeadragon
