| e-texts navigator |
| Wylie |
301b1 རྟོག་ཆེན་པོ་ལ།། རང་གསལ་རྟོག་མེད་ཉམས་མྱོང་སྐྱེ།། ཅོག་བཞག་གཅེར་བཞག་རང་སར་བཞག། ཆོས་ཉིད་རང་སར་གྲོལ་བའི་གནད།། དེ་ལྟར་སྣང་ཤེས་ཐམས་ཅད་ཀུན།། ཆོས་ཉིད་ཆེན་པོའི་ཀློང་ཡངས
301b2 ལས།། བླང་བར་བྱ་བ་གང་ཡང་མེད།། གཞག་པར་བྱ་བ་ཅུང་ཟད་མེད།། གང་དུ་མེད་པའི་ཆོས་ཉིད་ཀློང་།། ཅིར་སྣང་རང་གི་ཆོས་ཉིད་ལས།། བཅོས་མའི་ཆོས་ཉིད་ག་ལ་ཡོད།། ཇི་ལྟར་བྱས་ཀྱང་མི་རྟོག་སྐྱེ།། སྤང
301b3 བླང་མེད་པར་རང་སྣང་ངོ་།། སྤང་མེད་སྤང་བའི་ཆོས་དང་བྲལ།། སྤང་བ་མི་དམིགས་སྤང་བྱ་མེད།། ཤེས་པ་ཡུལ་ལ་སྣང་བའི་ཚེ།། སྣང་བ་དེ་ཉིད་རང་སྣང་སྟེ།། ཤེས་པ་མི་བསྒྲིམ་ཁ་ཡན་དུ།། ཆོས་ཉིད་ཀློང་དུ་ཡན
301b4 པར་བཞག། དུག་ལྔའི་རྟོག་པ་ཅི་སྐྱེས་ཀྱང་།། ང་ཡི་རིག་པ་རྟོག་མེད་ཡིན།། རང་རིག་རྟོག་པ་ཀུན་དང་བྲལ།། ཡེ་ནས་གོལ་བས་བསྐུར་གཞི་མེད།། རང་གིས་གྲོལ་བས་གཉེན་པོ་མེད།། ཡོངས་སུ་གྲོལ་བས་འབད།
301b5 པ་མེད།། མཐའ་གྲོལ་ཡིན་པས་མུ་བཞི་འགག། གཅིག་གྲོལ་ཡིན་པས་དུ་མ་སྟོངས།། གཅིག་གྲོལ་གཉིས་གྲོལ་ཐམས་ཅད་གྲོལ།། ཆོས་ཉིད་ཀློང་ཡངས་ཨེ་མ་ཧོ།། ཨ་ཧོ་རིག་མདངས་འཁོར་རྣམས་ཉོན།། དང
301b6 པོ་ཐོག་མ་ཁྲེགས་ཆོད་ཀྱིས།། ལྟ་བ་གཏན་ལ་དབབ་པར་བྱ།། འཁོར་བའི་ལམ་རྒྱུན་གཅད་འདོད་པས།། བྱ་བྱེད་རྫོགས་པས་རྫོགས་པའོ།། མཐའ་དང་བྲལ་བས་དབུས་མི་གནས།། ཡོངས་སུ་རྫོགས་པས་མཐའ
iiif viewer powered by OpenSeadragon
