| e-texts navigator |
| Wylie |
301a1 མི་མཉམ་གྲོལ་ཡང་མཉམ་པའི་དབྱིངས་སུ་གྲོལ།། གྲོལ་བའི་དུས་ན་རང་གྲོལ་རང་ས་ཟིན།། གྲོལ་དང་མ་གྲོལ་དབྱིངས་ན་ཡེ་མེད་པས།། ཇི་ལྟར་གྲོལ་ཡང་རང་ས་རང་ལ་གྲོལ།། ཀུན་ཀྱང་རོ་གཅིག
301a2 མཉམ་པའི་དབྱིངས་སུ་གྲོལ།། ལུགས་ཟློག་མེད་པར་དབྱིངས་སུ་གྲོལ་བའོ།། ཆོས་ཉིད་ཀློང་དུ་གྲོལ་ལོ་དབྱེ་བསལ་མེད།། རྩོལ་བ་མེད་པར་གྲོལ་ལོ་སྒྲུབ་ཏུ་མེད།། ངེས་པ་མེད་པར་གྲོལ་ལོ་གཟའ་གཏད
301a3 མེད།། ལྷུན་གྱིས་གྲུབ་པར་གྲོལ་ལོ་ཕྱོགས་རིས་མེད།། མཚན་མ་ཐམས་ཅད་རང་སར་གྲོལ་བའི་ཕྱིར།། བྱང་ཆུབ་སེམས་ལ་གྲོལ་དང་མ་གྲོལ་མེད།། ནམ་མཁའི་ཀློང་ན་ཇི་ལྟར་བྱས་ཀྱང་གྲོལ།། ལྷུན་གྲུབ་ཀློང་ལ
301a4 གང་ལྟར་བྱས་ཀྱང་གྲོལ།། ཀུན་ཀྱང་འདྲའོ་གཞན་མེད་ཡེ་ནས་གྲོལ།། སྤང་བླང་མེད་དེ་རང་སར་རང་ཤར་གྲོལ།། ཕྱོགས་གཅིག་ཕྱོགས་མེད་འདོད་པ་ཁ་གཏིང་མེད།། མཉམ་དང་མི་མཉམ་ཙམ་གྱི་མཐའ་ལས
301a5 གྲོལ།། རྒྱུ་རྐྱེན་གཉིས་ལ་ཡེ་ནས་མི་གནས་ཤིང་།། འབྲས་བུ་རེ་དང་དོགས་པ་མེད་པའི་ཕྱིར།། འཁོར་འདས་གཉིས་ཀྱི་མཐའ་ལས་རང་གྲོལ་ལོ།། བཟང་ངན་མེད་པར་ལྷུན་རྫོགས་བདེ་བར་གནས།། མཐོ་དམན
301a6 མེད་པར་མཉམ་པའི་དབྱིངས་སུ་གྲོལ།། མདོར་ན་ལུས་ངག་ཡིད་གསུམ་རང་སོ་ལ།། ཡིད་བྱེད་རྟོག་པ་ཕྱིར་མ་འཕྲོས།། དབང་པོའི་ཚོགས་དྲུག་ཡུལ་རྣམས་ལ།། ཤེས་ཤིང་དཔྱོད་པའི་ཡུལ་མ་འགྱུས།། རང་སྣང་མི
iiif viewer powered by OpenSeadragon
