| e-texts navigator |
| Wylie |
300a1 གསལ།། སྣང་བ་རྒྱ་ཡན་རིག་པ་གང་དགར་བདེ།། མ་བཅོས་རྣལ་འདུག་རིག་པ་ཁོང་ཀློད་བདེ།། ཤེས་པ་བག་ཡངས་བྱར་མེད་སྐྱེས་བུ་བཞིན།། གྲིམ་ལྷོད་མེད་པར་ལུས་སེམས་གང་དགར
300a2 བཞག། སུས་ཀྱང་མ་བཅོས་རང་གིས་རང་ཉིད་གསལ།། རྩོལ་སྒྲུབ་མེད་པར་ཆོས་ཉིད་བདེ་གདལ་བས།། ཡེ་ནས་ཡིན་པས་བཅོས་སུ་ག་ལ་ཡོད།། གཅིག་པུར་མ་བཅོས་ཀློང་ན་རང་གྲོལ་བདེ།། གཏད་མེད་ཕྱོགས
300a3 བྲལ་ངེས་པར་འཛིན་པ་མེད།། འཛིན་མེད་རང་ཤར་ཀུན་བཟང་རོལ་པ་ཡིན།། ཚོགས་དྲུག་ཟིལ་གནོན་སྣང་བ་རྒྱ་ཡིས་གདབ།། ཕྱི་ནང་འདུ་འཕྲོ་བྱར་མེད་ཆེན་པོའི་ཀློང་།། ཅིར་ཡང་མ་ཡིན་ཅིར་ཡང་ཡིན་པའི
300a4 ཕྱིར།། ངོ་མཚར་རྨད་དུ་བྱུང་བ་བྱ་བྲལ་ཆོས།། འཁོར་འདས་ཐེག་པ་ཀུན་ལ་དབང་བསྒྱུར་བས།། བྱར་མེད་ལྷུག་པས་ཐམས་ཅད་ཟིལ་གྱིས་གནོན།། མཐའ་རུ་གྱུར་པའི་ཡུལ་གཞན་ལོགས་ན་མེད།། བྱར
300a5 མེད་གཅིག་གིས་ཀློང་ལས་གར་མ་གཡོས།། བྱ་བྲལ་ཀུན་ཏུ་བཟང་པོའི་ས་ཉིད་ལ།། འཁོར་བ་ཀུན་བཟང་མྱ་ངན་འདས་པ་བཟང་།། ཀུན་བཟང་ཀློང་ན་འཁོར་འདས་ཡེ་ནས་མེད།། སྣང་བ་ཀུན་བཟང་སྟོང་པ་ཀུན
300a6 ཏུ་བཟང་།། ཀུན་བཟང་ཀློང་ན་སྣང་སྟོང་ཡེ་ནས་མེད།། སྐྱེ་ཤི་ཀུན་བཟང་བདེ་སྡུག་ཀུན་ཏུ་བཟང་།། ཀུན་བཟང་ཀློང་ན་བདེ་སྡུག་སྐྱེ་ཤི་མེད།། བདག་གཞན་ཀུན་བཟང་རྟག་ཆད་ཀུན་ཏུ་བཟང་།། ཀུན་བཟང་ཀློང་ན
iiif viewer powered by OpenSeadragon
