| e-texts navigator |
| Wylie |
2b1 ལས་འདས་ཤིང་། རྩེ་མོ་ཀུན་ཏུ་མ་ཆད་པ། དུར་ཁྲོད་ཀྱི་ལོང་ལོང་འཕྱོ་བ་ན། འཁོར་གྱི་གཙོ་བོར་གྱུར་པ། རྡོ་རྗེ་འཛིན་པ་ཆེན་པོ་དང་། རྒྱལ་པོ་དང་། རྒྱལ་ཐེབས་དང་། རྒྱལ་ཕྲན་དང་། ནང་བློན་དང་། ཕྱི་བློན་ལ
2b2 སོགས་པ་རེ་རེའི་འཁོར་ན་ཡང་། ནད་གཏོང་བ་དང་ཁྲམ་འདེབས་མི་བསྒྲངས་པའི་ཚོགས་བསམ་གྱིས་མི་ཁྱབ་པ་དག་དང་། གཞན་ཡང་འདོད་པའི་གཙོ་མོའི་ཚོགས། རྒྱལ་མོ་དང་། རྒྱལ་མོའི་རྒྱལ་མོ་དང་།
2b3 རྒྱལ་ཐེབས་མོ་དང་བློན་མོ་དང་། བྲན་མོ་དང་། གཡོག་མོའི་ཚོགས་རེ་རེའི་འཁོར་ན་ཡང་། འདུ་བ་རྣམ་བཞི་ནད་ཀྱི་བདག་མོ་དང་། བཞི་བརྒྱ་རྩ་བཞིའི་ནད་གཏོང་བའི་ཚོགས་བསམ་གྱིས་མི་ཁྱབ་པ་དང་། ཐབས
2b4 ཅིག་ཏུ་བཞུགས་སོ།། ཡུམ་བེ་ཏཱ་ལི་དང་། ཨེ་ཀ་ཛ་ཊིས་ཀྱང་མདུན་གྱིས་བལྟས་ནས། སྐུ་ལ་རྣམ་པར་འཁྲིལ་ཏེ་གནས་སོ།། དེ་ནས་བཅོམ་ལྡན་འདས་འཇིགས་བྱེད་ཆེན་པོས། འོད་ཟེར་སྣ་ལྔ་དུག་ལྔ་ཀུན་སྡུད
2b5 ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་མ་ཐག་ཏུ་ཡུམ་བཻ་ཏཱ་ལིས་ཨ་ཧོ་ཞེས་སྨིན་མཚམས་གློག་འགྱུ་བའི་བརྡ་གཅིག་མཛད་པས། འཇིགས་བྱེད་ཆེན་པོས་ཀྱང་བསྐུལ་བ་དེ་ཐུགས་སུ་ཆུད་ནས།
2b6 ཨ་ཧོ་སུ་ཁ་ཞེས་བྱ་བ་བྱང་ཆུབ་སེམས་ཀྱི་ཆར་ཡུམ་གྱི་མཁའ་ལ་མངོན་པར་བབ་ནས་རོལ་པ་མཛད་པས་འཁོར་རྣམས་དང་དགྱེས་པའི་རོ་དུས་གཅིག་ཏུ་བསྟར་ཏེ། འོད་ཟེར་ཕྱོགས་བཅུའི་འཇིག་རྟེན་གྱི་ཁམས་སུ
iiif viewer powered by OpenSeadragon
