| e-texts navigator |
| Wylie |
299b1 པའི་ཐབས་རྣམས་གཅིག་ཏུ་བསྟན།། དེ་ཀུན་སྡོམ་ཚིག་རྣམ་གཉིས་ཀྱིས།། རིམ་པ་བྱེ་བྲག་གཉིས་ཕྱེ་ནས།། སྐྱེས་བུ་རྣམས་ཀྱི་བློ་ལ་འཇུག། འདི་ཀུན་སྣང་བ་རང་ངེས་སོ།། དམིགས་པ་ཡུལ་ཅན་བློ་རྣམས་ལ།།
299b2 ཁེགས་ཆོད་གདམས་པ་བསྟན་པ་ནི།། རིམ་པ་བྱེ་བྲག་འདི་ལྟ་བུ། ཁྲེགས་ཆོད་ཉིད་དུ་ཉམས་སུ་བླང་།། ཆོས་ཉིད་འབད་རྩོལ་དང་བྲལ་བའི།། ལུས་སེམས་བྱ་བྲལ་དང་དུ་བཞག། ཆོས་ཉིད་རང་ཐོག་ངོ་སྤྲད
299b3 པས།། རྣམ་རྟོག་ཡེ་ཤེས་ཆེན་པོར་འཆར།། ཆོས་ཉིད་རང་སར་གྲོལ་བ་ཡིས།། སྣང་བ་ཉིད་ལ་དགག་སྒྲུབ་མེད།། ལུས་སེམས་བྱ་བྲལ་ཆོས་ཉིད་ནི།། བྱ་བ་མེད་པས་ཡེ་གྲོལ་ཡིན།། བྱ་བྱེད་སྤངས་པས་བདེ་བ
299b4 རྙེད།། གྲོལ་བ་རང་བྱུང་གཞན་ལས་མིན།། བྱ་བ་བྲལ་བ་གཞིར་གཞག་གོ། འཁོར་འདས་བྱ་བྱེད་ནམ་བྲལ་ཚེ།། རྫོགས་ཆེན་ཉིད་ལས་གཞན་མིན་ནོ།། ཨ་ཧོ།། བྱང་ཆུབ་སེམས་ལ་བཙལ་དུ་ཡེ་ནས་མེད།། ཇི
299b5 བཞིན་ངང་ལ་མ་བཅོས་གང་དགར་ཐོང་།། བདག་གཞན་ཡུལ་ཅན་ཡེ་ནས་མེད་པས་ན།། མཉམ་པ་རིས་མེད་རིག་པ་གང་དགར་ཐོང་།། རྟག་ཏུ་དེ་དང་འདུ་འབྲལ་མེད་པས་ན།། གཉིས་སུ་ཡུལ་མེད་རིས་མེད་གང
299b6 དགར་ཐོང་།། བྱ་བྲལ་ལྷུན་རྫོགས་འདི་ལས་གཞན་མེད་པས།། གཞི་གཞག་བརྡལ་བའི་སྐུ་དེ་ཁ་ཡན་ཐོང་།། མཚན་ཉིད་མ་འགགས་སྣ་ཚོགས་ཅིར་ཡང་འཆར།། དབང་པོ་གཅེར་མཐོང་ཅིར་སྣང་ཆོས་ཉིད
iiif viewer powered by OpenSeadragon
