| e-texts navigator |
| Wylie |
299a1 ཡིན།། ངག་ད་ལ་ལོངས་སྐུར་རེག་པ་ཡིན།། སེམས་ད་ལ་ཆོས་སྐུར་རེག་པ་ཡིན།། ཐུན་མོང་འབྱུང་བ་མི་འཁྲུག་ཅིང་།། མཐར་ཐུག་ལུས་ངག་ཡིད་གསུམ་གྱི།། འཛིན་པ་རང་དག་དགོས་པའོ།། དེ་ནས
299a2 སོར་འདུག་བྱ་བ་ནི།། ནང་ཚང་ཅན་གྱི་གདན་སྟེངས་སུ།། རྐང་པ་རྡོ་རྗེའི་སྐྱིལ་ཀྲུང་བཅའ།། ལག་པ་གཉིས་པོ་མཉམ་གཞག་བསྣོལ།། ལུས་པོ་མདའ་སྡུག་བཞིན་དུ་བསྲང་།། དཔུང་པ་རྒོད་གཤོག་བཞིན་དུ
299a3 བརྒྱངས།། མ་སྡིང་པ་གཞུ་མོ་བཞིན་དུ་བཀུག། ལུས་ཁོག་ཕྲག་པ་གཟིགས་ལྟར་བསྟོད།། མིག་དང་སྣ་རྩེ་སེམས་རྩེ་བསྟུན།། དེ་ལྟར་སྔོན་འགྲོ་རྫོགས་པར་བྱ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད
299a4 ལས། སྔོན་འགྲོའི་ལེའུ་རྩེ་སོ་ལྔ་པའོ།། ། ས་མ་ཡ། རྒྱ་རྒྱ་\ུ0f7f། 9་མས། སེམས་དཔའ་རྡོ་རྗེས་ཡང་ཞུས་པ།། ཀྱེ་ཧོ།། བག་ཆོད་ཆེན་པོ་ཀུན་ཏུ་བཟང་།། སྔོན་འགྲོའི་རིམ་པ་གསུངས་ན
299a5 ཡང་།། ཉམས་ལེན་དངོས་གཞི་གསུང་དུ་གསོལ།། ཞུས་པའི་ལན་དུ་བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་རྩལ།། ཉམས་ལེན་དངོས་གཞི་འདི་ལྟ་སྟེ།། གཞི་ནི་ཁྲེགས་ཆོད་ལམ་ཐོད་རྒལ།། འབྲས་བུ་སྐུ་གསུམ
299a6 ཡོངས་རྫོགས་སོ།། བློ་ཡི་རིམ་པ་རྣམ་གཉིས་ཀྱིས།། དོན་གྱི་ངོ་བོ་ཉམས་སུ་བླངས།། དམིགས་པ་ཡུལ་ཅན་ལམ་རྣམས་ལ།། སྒོམ་དང་བསྒོམ་བྱའི་ཐབས་རྣམས་བསྟན།། རིག་པ་རང་སྣང་བློ་རྣམས་ལ།། བརྟག
iiif viewer powered by OpenSeadragon
