| e-texts navigator |
| Wylie |
298b1 ཞུགས་པར་བྱ།། དེ་ལྟར་ངག་སྦྱངས་སེམས་ལ་ཕན།། ངག་གི་ཞེན་ལོག་ངག་སྒྲིབ་འདག། སེམས་ཀྱི་སྔོན་དུ་འགྲོ་བ་ནི།། དུས་གསུམ་བློ་རྟོག་སྣ་ཚོགས་དང་།། དུག་ལྔ་དུག་གསུམ་ལྷའི་དཀྱིལ་འཁོར།། རིགས་དྲུག
298b2 སྡུག་བསྔལ་བློ་ལ་བླང་།། འདུས་པ་ཐམས་ཅད་མི་རྟག་པར།། ཀུན་ཀྱང་འཇིག་པའི་ཆོ་འཕྲུལ་བསྒོམ།། དེ་རྣམས་བསྒོམ་པའི་མཁན་པོ་ནི།། སེམས་ལ་ཐུག་གམ་མ་ཐུག་བརྟག། སེམས་སུ་ཐུག་ན་དགེ་སྡིག་གང་ཆེ
298b3 བརྟག། དེ་ནས་སེམས་འདི་གང་དང་འདྲ།། འདྲ་དཔེ་མང་དུ་བསྡུར་བར་བྱ།། དེ་ནས་ལུས་ངག་ཡིད་གསུམ་པོ།། གཙོ་བོ་གང་ཡིན་ཟག་ཀྱང་བཅད།། དེ་ནས་སེམས་ཀྱི་བྱུང་ས་བཙལ།། མ་རྙེད་ཆོས་ཀྱི་སྐུ་དང
298b4 འཕྲད།། དེ་ནས་སེམས་ཀྱི་གནས་ས་བཙལ།། མ་རྙེད་ལོངས་སྤྱོད་སྐུ་དང་འཕྲད།། དེ་ནས་སེམས་ཀྱི་འགྲོ་ས་བཙལ།། མ་རྙེད་སྤྲུལ་པའི་སྐུ་དང་འཕྲད།། དེ་ལྟར་སེམས་ཀྱིས་འདུས་བྱས་པས།། ཞེན་ལོག་བར་ཆད
298b5 ཞི་བ་དང་།། སྒྲིབ་པ་སྐད་ཅིག་གོལ་ས་མེད།། ཆོས་ཀྱི་སྐུར་གྲོལ་གཉིས་མེད་འདའ།། དེ་ནས་རྣལ་དུ་དབབ་པ་ལ།། ལུས་ཀྱི་རྣལ་འབེབས་མི་འགུལ་བས།། ཕུང་ཁམས་རྒྱས་པའི་དགོས་པ་ཡོད།། ངག་གི་རྣལ
298b6 འབེབས་མི་སྨྲ་ཞིང་།། བརྗོད་མེད་འཆར་བའི་དགོས་པ་ཡོད།། སེམས་ཀྱི་རྣལ་ཕེབས་འཕྲོ་འདུ་བཅད།། ཞེན་འཛིན་གྲོལ་བའི་དགོས་པ་ཡོད།། མཐར་ཐུག་དགོས་པ་ལུས་དལ་བས།། སྤྲུལ་པའི་སྐུ་ལ་རེག་པ
iiif viewer powered by OpenSeadragon
