| e-texts navigator |
| Wylie |
298a1 རྒྱ། དམུས་ཀྱང་ན། ཁ་ཊ་མྦཿས་ནོཿ། ཨཿཉྫཿསེམས་དཔའ་རྡོ་རྗེས་ཡང་ཞུས་པ།། ཀྱེ་ཧོ།། སྐྱེ་མེད་འགག་མེད་ཀུན་ཏུ་བཟང་།། དབང་གི་རིམ་པ་དེ་ལྟར་ན།། ཉམས་ལེན་སྔོན་དུ་འགྲོ་བ་རྣམས།། རིག
298a2 མདངས་འཁོར་ལ་བཀའ་སྩོལ་ཅིག། གསན་དགོངས་སྟོན་པས་བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་ཉོན།། མ་ཡེངས་འཁྲུལ་མེད་བློ་ལ་ཟུང་།། སྐལ་བཟང་ཐར་པ་འདོད་པའི་མི།། དབེན་ཞིང་ཉམས་དགའི
298a3 གནས་ཉིད་དུ།། ཆོས་དང་མཐུན་པའི་གྲོགས་དང་འགྲོགས།། སེམས་སྦྲང་བདུན་པོ་སྔོན་དུ་གཏད།། དཀོན་མཆོག་སྐྱབས་སོང་སེམས་བསྐྱེད་ལ།། འཁོར་བའི་མཚན་ཉིད་མི་རྟག་བསམ།། འགྲོ་ལ་སྙིང་རྗེ་བྱང
298a4 སེམས་བསྒོམ།། བསོད་ནམས་ཚོགས་བསགས་སྡིག་པ་སྦྱང་།། དེ་ལ་དགོས་ཆེད་རྣམ་པ་གཉིས།། གནས་སྐབས་ཚེ་འདིར་བློ་ཟློག་ཅིག། ཅི་བྱས་ཆོས་སུ་འགྲོ་བ་དང་།། མཐར་ཐུག་རང་དང་གཞན་གྱི་དོན།། རྒྱ་ཆེན
298a5 འགྲུབ་པའི་དགོས་པ་ཡོད།། དེ་ཡང་ལུས་ངག་ཡིད་གསུམ་ལ།། དང་པོ་ལུས་ཀྱི་སྔོན་འགྲོ་ནི།། རིགས་དྲུག་སྤྱོད་པ་སྣ་ཚོགས་སྤྱད།། རྡོ་རྗེ་སྐྱིལ་ཀྲུང་དང་བཅས་ཏེ།། ལུས་སྦྱངས་སེམས་ལ་ཕན་པའོ།། ལུས་ཀྱི་ཞེན
298a6 ལོག་སྡིག་པ་འདག། ངག་གི་སྔོན་འགྲོ་རིགས་དྲུག་གི། སྒྲ་དང་ཞི་ཁྲོ་འབྱུང་བའི་སྒྲ།། རྣམ་པ་སྣ་ཚོགས་བརྗོད་པར་བྱ།། ངག་གིས་ཧཱུཾ་ཞེས་བརྗོད་པ་ལ།། རྒྱས་གདབ་པ་དང་རྩལ་ཉིད་སྦྱང་།། གཉེན་བཙལ་ལམ་དུ
iiif viewer powered by OpenSeadragon
