| e-texts navigator |
| Wylie |
297b1 ནོར་གྱི་མཆོག། སྒོ་གསུམ་ཟོ་ལ་སོགས་མེད་པ་ཡིས།། རབ་ཏུ་གཅེས་དང་ཡིད་འཐད་འབུལ།། དབང་བསྐུར་ཐོག་མ་ཐ་མ་རུ།། དཀའ་སྟོན་མ་བྱས་དངོས་གྲུབ་མེད།། སྡིག་པ་མ་སྦྱངས་ལམ་མི་བགྲོད།། དགའ་སྟོན
297b2 ཆེན་པོས་མཆོད་པ་ཡིས།། བླ་མ་དང་ནི་དེ་ཡི་འཁོར།། དེ་བཞིན་རང་གི་རྡོ་རྗེའི་སྤུན།། གཅིག་དག་གཉིས་དག་གསུམ་དག་ནས།། བརྒྱ་སྟོང་གྲངས་མེད་དག་ལ་ནི།། ཚོགས་ཀྱི་དགའ་སྟོན་སུས་བྱས་པ།། ལེགས
297b3 པ་ཐམས་ཅད་འགྲུབ་པ་དང་།། ཉེས་པ་ཀུན་ལས་གྲོལ་བར་འགྱུར།། བླ་མ་ཡི་དམ་མཁའ་འགྲོ་དང་།། ཆོས་སྐྱོང་རྡོ་རྗེའི་སྤྱན་ལ་སོགས།། ཚོགས་མཆོད་ཡོན་གྱིས་མ་མཉེས་ན།། ནད་མང་ཚེ་ཐུང་བར་ཆོད
297b4 འབྱུང་།། ཐུན་མོང་དངོས་གྲུབ་མེད་པ་དང་།། མཆོག་ལ་རིང་དུ་སོང་བ་དང་།། ཚེ་འཕོས་ཡི་དྭགས་གནས་སུ་སྐྱེ།། བླ་མ་དང་ནི་དབང་མཆོག་གི། གསང་དང་གཞུག་ལས་འགལ་བ་ན།། ན་ར་ཀ་སྡུག་བསྔལ་མྱོང་བར
297b5 འགྱུར།། བཀའ་དང་མ་འགལ་ཡོན་ཏན་ནི།། ཆོས་སྐུ་ཀུན་ཏུ་བཟང་པོ་འགྲུབ།། ཕྲིན་ལས་བཞི་པོ་ཐོགས་པ་མེད།། དེ་ཕྱིར་སྔ་མའི་བཀའ་བཞིན་སྒྲུབས།། ཞེས་གསུངས་ནས། བསྲུང་ཉམས་མེད་པའི་དམ་ཚིག་ཆེན
297b6 པོ་ལ་ལྷན་ནེར་བཞུགས་སོ།། ཐེག་པའི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། དབང་ཐོབ་པའི་ཡོན་ཏན་དང་། མ་ཐོབ་པའི་སྐྱོན་དང་། དམ་ཚིག་བསྟན་པའི་ལེའུ་སྟེ་སོ་བཞི་པའོ།། །། ས་མ་ཡ། རྒྱ་རྒྱ
iiif viewer powered by OpenSeadragon
