| e-texts navigator |
| Wylie |
297a1 བྱ་རྡོ་རྗེ་སློབ་དཔོན་ཡིན།། སྲུང་བྱེད་བུ་སློབ་སྣོད་ལྡན་ཡིན།། བསྲུང་རྒྱུ་སྐུ་གསུང་ཐུགས་གསུམ་ཡིན།། དེ་ཡང་ལུས་ངག་ཡིད་གསུམ་གྱིས།། མི་དགེའི་ལས་རྣམས་ཀུན་སྤངས་ཏེ།། དཀྱིལ་འཁོར་གསུམ
297a2 དང་འབྲལ་མི་བྱ།། རྫོགས་པ་ཆེན་པོའི་དོན་ཉིད་ལ།། བསྲུང་དུ་མེད་པའི་དམ་ཚིག་དང་།། ཡེ་བསྲུངས་ཆེན་པོའི་དམ་ཚིག་དང་།། བསྲུང་མཚམས་བྲལ་བའི་དམ་ཚིག་དང་།། མཉམ་པ་ཉིད་ལ་བྱེ་བྲག་མེད།། མེད་དང
297a3 ཕྱལ་བ་ལྷུན་གྲུབ་ཆེ།། ཉག་གཅིག་ཟང་ཐལ་ཉིད་དུའོ།། སྣང་བ་ཡུལ་གྱི་དམ་ཚིག་དང་།། རྟོགས་བྱེད་ལྟ་བའི་དམ་ཚིག་དང་།། སྤྱད་རྒྱུ་ངེས་པའི་དམ་ཚིག་དང་།། བསྲུང་མཚམས་བཅས་པའི་དམ་ཚིག་བཞི།། ལམ
297a4 ཞུགས་རྣམས་ཀྱིས་བསྲུང་བར་བྱ།། དམ་ཚིག་དམ་ཚིག་ཅེས་བྱ་བ།། གུད་ན་ཡོད་པ་མ་ཡིན་ཏེ།། རང་རིག་སྣང་བའི་དོན་རྟོགས་ན།། དམ་ཚིག་རྒྱལ་པོ་ཞེས་བྱའོ།། སངས་རྒྱས་ཀུན་ལ་དམ་ཚིག་མེད།། སེམས་ཅན
297a5 དུས་ན་སྐྱོན་ཡོན་བྱུང་།། ཡང་དག་རིག་པའི་དོན་རྟོགས་ནས།། ཉམས་དང་མ་ཉམས་གཉིས་ལས་འདས།། བསྲུང་དང་མ་བསྲུངས་ཕྱོགས་ལས་འདས།། ཡེ་བསྲུངས་ཆེན་པོའི་དོན་ལ་ལྟོས།། བསྲུངས་པའི་ཡོན་ཏན
297a6 བརྗོད་ལས་འདས།། མ་བསྲུངས་ན་རཀ་དམྱལ་བར་སྐྱེ།། དེ་ལྟར་མན་ངག་སྟོན་པའི་སློབ་དཔོན་ལ།། རང་ལུས་དང་ནི་རིན་ཆེན་རྫས།། ཤིན་ཏུ་དཀོན་པ་དག་གིས་བརྟེན། ཁུ་བོ་ཕ་དང་མ་དང་མིག། བུ་དང་ཆུང་མ
iiif viewer powered by OpenSeadragon
