| e-texts navigator |
| Wylie |
296b1 ནི།། ཇི་ལྟར་རྫ་སོ་མ་བཏང་སྤྱད།། དེ་མ་ཐག་ཏུ་འཇིག་པ་ལྟར།། གསང་སྔགས་ཡོན་ཏན་ལོག་པར་འཆར།། མཉེན་པ་སྐྱེ་བ་མེད་པ་ལྟར།། སྡུག་བསྔལ་ཆུ་བོ་སྒྲོལ་མི་ནུས།། བྲག་སྐམ་སོ་ནམ་བྱས་པ
296b2 བཞིན།། དབང་བཞིའི་འབྲས་བུ་སྨིན་མི་འགྱུར།། སེམས་ལ་ཆོས་ཉིད་གནས་གྱུར་ཀྱང་།། དབང་གིས་སྨིན་པར་མ་བྱས་ན།། རྣལ་འབྱོར་དངོས་གྲུབ་ག་ལ་ཐོབ།། དབང་མཆོག་རིམ་པ་དེ་དག་ཀུན།། ཐོབ་པའི་ཡོན
296b3 ཏན་བསམ་མི་ཁྱབ།། ཡེ་ཤེས་སྣང་བ་ཆེན་པོ་ལ།། ཐོགས་པ་མེད་པར་གྲོལ་བར་འགྱུར།། རང་སྣང་ཞིང་ཁམས་རྒྱས་པ་དང་།། ཐུན་མོང་དངོས་གྲུབ་སྣ་ཚོགས་འཐོབ།། བར་མ་དོ་ལ་རང་ངོ་ཤེས།། ཆོས་ཉིད་རྣམས
296b4 ལ་བརྟན་པ་ཐོབ།། ཞག་གྲངས་ཉེར་གཅིག་འདས་པ་དང་།། སྤྲུལ་པ་སྐུ་ཡི་སྟོབས་འགྱེད་ནུས།། མཐར་ཕྱིན་འབྲས་བུ་སྡུག་བསྔལ་གྲོལ།། གསང་སྔགས་དངོས་གྲུབ་དབང་ལས་འབྱུང་།། དབང་བརྟན་པ་ཡི་དམ
296b5 ཚིག་བཤད།། གསང་སྔགས་སྤྱི་ཡི་དམ་ཚིག་དང་། ཁྱད་པར་དབང་བཞིའི་དམ་ཚིག་ནི།། ས་མ་ཡ་ནི་འབུམ་སྡེ་སོགས།། དབྱེ་ན་བརྗོད་ཀྱིས་མི་ལང་ཡང་།། མདོར་བསྡུས་སྐུ་དང་གསུང་དང་ཐུགས།། རྣལ་འབྱོར
296b6 ལུས་ངག་ཡིད་ལ་སྦྱར།། དམིགས་པ་བླ་མ་རྡོ་རྗེ་མཆེད།། བསྲུང་བའི་ཡུལ་གྱིས་རྣམ་པར་དབྱེ།། སྡོམ་པ་ལུས་ངག་དབང་དུ་འདུས།། དེ་ཡང་བསྲུང་བྱ་སྲུང་བྱེད་གཉིས།། བསྲུང་བའི་རྒྱུ་དང་གསུམ་ཡིན་ནོ།། བསྲུང
iiif viewer powered by OpenSeadragon
