| e-texts navigator |
| Wylie |
296a1 ཡིན།། དེ་ཡང་དོན་ལ་བཀྲོལ་ཏེ་གསུངས།། གཅིག་གྲོལ་གཉིས་གྲོལ་ཐམས་ཅད་གྲོལ།། བཀྲོལ་བས་རང་བྱུང་གཞན་དུ་མེད།། རང་བྱུང་དབང་ཆེན་རང་ལས་བྱུང་།། དོན་གྱི་དབང་མཆོག་དཀྱིལ
296a2 འཁོར་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། དོན་དབང་ཡེ་ཤེས་མཚོན་པ་ལ།། གཅིག་མེད་གཉིས་མེད་ཐམས་ཅད་མེད།། དེ་དོན་རྟོགས་པའི་དབང་ཆེན་ལ།། གཅིག་བྱུང་གཉིས་བྱུང་ཐམས་ཅད
296a3 བྱུང་།། སྟོང་པ་ཡེ་ཤེས་དབང་ཆེན་ལ།། གཅིག་སྐྱེས་གཉིས་སྐྱེས་ཐམས་ཅད་སྐྱེས།། རྟགས་ན་དབང་མཆོག་དེ་ལྟར་བསྐུར།། འདི་རྣམས་དབང་གི་སྤྱི་ཆིངས་ཡིན།། མ་ནོར་མ་འཁྲུལ་ཉམས་སུ་ལོངས།། ཞེས
296a4 གསུངས་ནས། དམིགས་མེད་ཟང་ཐལ་ཆེན་པོའི་རིག་པ་རྩལ་གྱི་ཏིང་ངེ་འཛིན་ལ་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། དབང་གི་ལེའུ་སྟེ་སོ་གསུམ་པའོ།། །། ས་མ་ཡ།
296a5 རྒྱ་རྒྱ་རྒྱ། ཐམས་སསས། སེམས་དཔའ་རྡོ་རྗེས་ཡང་གསོལ་པ།། ཀྱེ་ཧོ།། འགྱུར་མེད་ཆེན་པོ་ཀུན་ཏུ་བཟང་།། དབང་གི་རིམ་པ་གསུངས་ན་ཡང་།། གོང་དུ་གསུངས་ལ་འབྲལ་མེད་པའི།། ཐོབ་པའི་ཡོན་ཏན
296a6 མ་ཐོབ་སྐྱོན།། བརྟེན་པའི་དམ་ཚིག་ཇི་ལྟ་བུ།། རིག་མདངས་འཁོར་ལ་བཀའ་སྩོལ་ཅིག། ཞུས་པའི་ལན་དུ་བཀའ་སྩལ་པ།། ཀྱེ་ཧོ།། དབང་དོན་འཁོར་རྣམས་ལེགས་པར་ཉོན།། དབང་མཆོག་མ་ཐོབ་སྐྱོན་རྣམས
iiif viewer powered by OpenSeadragon
