| e-texts navigator |
| Wylie |
295b1 སེམས་དཀར་དམར་དབང་བསྐུར་རོ།། རྟོག་པ་ཡེ་ཤེས་དབང་བསྐུར་ཡང་།། དབྱེ་ན་རྣམ་པ་གསུམ་དུ་བསྐུར་བར་བྱ།། སེམས་ཅན་སྣང་བ་ཕྱི་ལྟར་བསྐུར།། བསྒོམ་པ་སེམས་འཛིན་ནང་ལྟར་བསྐུར།། ངོ་སྤྱོད་ཉི་ཤུ
295b2 རྩ་གཅིག་གིས།། གསང་བའི་དབང་དུ་བསྐུར་བར་བྱ།། ཕྱི་ལྟར་ཐེག་པ་བཅུ་གཅིག་དབང་།། ནང་ལྟར་ཞི་ཁྲོ་གཉིས་ཀྱི་དབང་།། ངོ་སྤྲོད་ལ་ཡང་རྣམ་གསུམ་སྟེ།། དཔེ་དང་དོན་དང་རྟགས་དང་གསུམ།། མཚོན་པའི
295b3 དབང་དུ་བསྐུར་བར་བྱ།། རིག་པ་ཡེ་ཤེས་ངོ་སྤྱོད་ཀྱིས།། གསང་བའི་ཡེ་ཤེས་ངོ་སྤྲད་བྱ།། རིག་པ་རྐྱང་པའི་ངོ་སྤྱོད་ཀྱིས།། གཟུགས་སྐུའི་ཞིང་ཁམས་དབང་བསྐུར་བྱ།། དེ་ལྟར་དབྱེ་ན་བསམ་ཡས་ཀྱང་།། བསྡུ་ན
295b4 རྣམ་པ་བཞི་ཡིན་ནོ།། སྣང་སྲིད་སེམས་སུ་ཤེས་པ་ཡིས།། སྤྲོས་བཅས་བུམ་པའི་ཕྱི་དབང་བསྐུར།། སྲིད་བཅུད་ལྷ་རུ་གྲོལ་བ་ཡིས།། སྤྲོས་མེད་ནང་གི་གསང་དབང་བསྐུར།། གཉིས་མེད་ཟང་ཐལ་ཤེས་པ
295b5 ཡིས།། ཤིན་ཏུ་སྤྲོས་མེད་ཤེས་རབ་དབང་།། ཐམས་ཅད་ངར་འཛིན་སངས་པ་ཡིས།། རབ་ཏུ་སྤྲོས་མེད་ཚིག་དབང་བསྐུར།། དམིགས་མེད་ཟང་ཐལ་རྟོགས་པ་ཡིས།། རིག་པ་རྩལ་གྱི་དབང་ཐོབ་ནས།། བྱ་བཙལ
295b6 ཀུན་ལས་འདས་པའོ།། མ་རྟོགས་ཚིག་རེ་དོན་རེ་བསྟན།། རྟོགས་པ་ཡེ་ཤེས་དབང་མཆོག་གིས།། ཅིར་སྣང་རིག་པར་ཤེས་པའི་དབང་།། རིག་པ་དགག་སྒྲུབ་མེད་པའི་དབང་།། དབང་བཞི་དུས་གཅིག་རྫོགས་པ
iiif viewer powered by OpenSeadragon
