| e-texts navigator |
| Wylie |
294a1 འདས་ཆོས་རྣམས་ཐམས་ཅད་ཀུན།། མཁྱེན་པའི་བདག་པོར་བཞུགས་པའོ།། ཞུ་འཁོར་ཕུན་སུམ་ཚོགས་པ་ནི།། རྣམ་པར་ཤེས་པའི་ཚོགས་བརྒྱད་དང་།། སྐུ་ལྔ་ཡེ་ཤེས་འོད་ལྔ་དང་།། ཤེས་རབ་རླུང
294a2 སོགས་ལྔ་ཚན་རྣམས།། རྣམ་དག་རོལ་པ་སྣ་ཚོགས་སོ།། བསྟན་པ་ཕུན་སུམ་ཚོགས་པ་ནི།། ཕྱི་ནང་རྟེན་འབྲེལ་ཀུན་ཚང་ཞིང་།། རྩ་རླུང་ཐིག་ལེའི་ཡོན་ཏན་ནོ།། དུས་ཚོད་ཕུན་སུམ་ཚོགས་པ་ནི།། སྤྱིར་ནི་རང་ལུས
294a3 ཁྱད་པར་དུ།། དབྱར་མ་སྟོན་དང་དགུན་ཆུང་དང་།། ཉིན་མཚན་དུས་བཞི་ལ་སོགས་པ།། ན་བུན་འཚུབ་མ་སེར་བུ་མེད།། ནམ་མཁའ་དྲངས་ཤིང་གསལ་བའོ།། དེ་ལྟར་ལྔ་ལྔས་སྟོན་པ་ཡང་།། གང་ཟག་གཅིག་གི
294a4 རྒྱུད་ཉིད་ལ།། གཏི་མུག་འདུལ་བའི་གཉེན་པོ་རུ།། དམིགས་གཏད་མེད་པའི་སྒོམ་པ་བསྟན།། ཞེ་སྡང་འདུལ་བའི་གཉེན་པོ་རུ།། གཟའ་གཏད་མེད་པའི་ལྟ་བ་བསྟན།། འདོད་ཆགས་འདུལ་བའི་གཉེན་པོ་རུ།། བླང
294a5 དོར་མེད་པའི་སྤྱོད་པ་བསྟན།། ང་རྒྱལ་འདུལ་བའི་གཉེན་པོ་རུ།། གོལ་སྒྲིབ་མེད་པའི་ཀ་དག་བསྟན།། ཕྲག་དོག་འདུལ་བའི་གཉེན་པོ་རུ།། སྤང་ཐོབ་མེད་པའི་འབྲས་བུ་བསྟན།། ཐམས་ཅད་ལྔ་ལྔས་འཆིང་ཞིང
294a6 བཤད།། རྒྱུད་འདི་གང་ལ་བབས་པའི་མི།། རིམ་གྱིས་ཡོན་ཏན་བཤད་ཅིང་བསྟན།། མ་དག་སེམས་ཅན་སྤྲོ་བ་བསྐྱེད།། ལུས་ངག་ཡིད་གསུམ་བྱ་རྩོལ་སྤངས།། འཁྲུལ་པའི་ཕྱོགས་སུ་མི་གཏོང་ཞིང་།། ལུས་སློད་ངག།
iiif viewer powered by OpenSeadragon
