| e-texts navigator |
| Wylie |
291b1 ཁམས་འདུས་མོད།། གཞན་ཡང་ས་དགྲ་སྣ་ཚོགས་ལ།། རྟེན་འབྲེལ་ཐབས་ཀྱིས་བཅོས་ཤིང་སྤངས།། ཡོན་ཏན་ལྡན་པའི་ས་ཆ་རུ།། སྒྲུབ་ཁང་ཆེ་འབྲིང་ཆུང་བ་གསུམ།། སེམས་ཅན་བློ་དང་སྦྱར་ལ་བརྩིག། ཡང་དག
291b2 རྟེན་འབྲེལ་ཀ་དག་ཀྱང་།། གནས་སྐབས་རྟེན་འབྲེལ་ཞིབ་པར་སྡང་།། ཟད་པ་མཐོང་བའི་གྲོགས་སུ་འགྱུར།། དེ་རྣམས་འཛོམ་དུས་སློབ་མ་ཡིས།། ཡོན་ནི་གསེར་དངུལ་འབྲུ་སྨན་མི།། གུས་པས་ཕུལ་ལ་སྙན་པ
291b3 ཡིས།། ལོ་བདུན་ལྔའམ་གསུམ་ཉིད་ནས།། ཀློང་ཆེན་འདི་ཞུའི་ཞུ་བ་ནི།། ལྔ་བདུན་བར་དུ་དབུལ་བར་བྱ།། དེ་ནས་བླ་མས་གནང་བ་སྦྱིན།། སློབ་དཔོན་རྩ་གསུམ་སྒྲུབ་པ་ཡིས།། ཞི་ཁྲོ་ཉིད་ཀྱི་བསྙེན་བསྒྲུབ
291b4 བརྩམ།། སློབ་མས་སྦྱོར་བ་ཚང་བར་བསག། དེ་ཡིས་དོན་རྣམས་འགྲུབ་པར་འགྱུར།། ཞེས་གསུངས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། གནས་དང་ཞུ་འབུལ་ལེའུ་སྟེ་སུམ་ཅུ
291b5 པའོ།། །། ས་མ་ཡ། རྒྱ་རྒྱ་རྒྱ། མ.་ཀྱེ་ཀྱེཿགྲརྦ་ཀྱི་གོ། གགམཉྫཿརྒྱ་རྒྱ་རྒྱ། སེམས་དཔའ་རྡོ་རྗེས་ཡང་གསོལ་པ།། ཀྱེ་ཧོ་མི་འགྱུར་ལྷུན་གྲུབ་ཀུན་ཏུ་བཟང་།། ཕུན་སུམ་ཚོགས་པའི་ཉེས་སྤངས་པ།། ཡོ་བྱད
291b6 གྲོགས་གཉིས་ཇི་ལྟར་བསག། སྟོན་པས་འཁོར་ལ་བཀའ་སྩོལ་ཅིག། སྟོན་པས་ལན་དུ་འདི་སྐད་གསུངས།། ཨ་ཧོ་སེམས་དཔའ་རྡོ་རྗེ་ཉོན།། ཡོ་བྱད་འབྱོར་གྲོགས་འདི་ལྟ་སྟེ། ཁམས་ཀྱི་རྟེན་སོ་ཡོ་བྱད་དང་།། འཚོ
iiif viewer powered by OpenSeadragon
