| e-texts navigator |
| Wylie |
290b1 དགའ་ཆེ།། གདམས་པ་མགོ་སྐོར་ཐབས་ཀྱིས་འབྲུ།། མ་བརྟགས་སློབ་མ་ཁ་དྲེད་ཅན།། གདམས་ངག་ཆུད་ཟོས་མཁའ་འགྲོའི་སྙིང་།། རང་རྒྱུད་པ་ལ་ལྷ་གསང་འཆད།། ཉམས་པའི་གང་ཟག་སྣོད་མེད་ལ།། ཀློང
290b2 ཆེན་མི་བསྟན་མཆོག་ཏུ་གསང་།། དོན་ལ་བླང་དོར་མི་གནས་ཀྱང་།། མི་མ་ཡིན་ཀྱང་བཀའ་སྲུང་རྣམས།། ཐུགས་ཁྲོས་དུས་མིན་འཆི་བར་འགྱུར།། མཁའ་འགྲོ་ཆོས་བདག་ཐམས་ཅད་ཀྱིས།། འཕྲལ་ལ་བར་ཆད་མི
290b3 རུང་འཇུག། ཚེ་འདིར་ཤིས་དཀོན་ངན་སོང་གནས།། ཀུན་གྱིས་སྨོད་ཅིང་དམའ་སར་འབེབས།། དེ་ཡི་ཁ་རླངས་གྲིབ་མ་ཕོག། མཁའ་འགྲོ་འཁྲུག་ཅིང་ངུ་བར་འགྱུར།། སྣོད་ངན་སྟོབས་ཆེ་ཤིན་ཏུ་བརྟག། མེ་ཐིགས
290b4 གཅིག་གིས་ཡུལ་མཁར་ཕུང་།། སྦལ་པ་སྨས་མ་ཇི་བཞིན་ནོ།། བརྟག་པ་སྣ་ཚོགས་སྒོ་ནས་བྱ།། མི་ནོར་སྲོག་སོགས་འབུལ་ནས་བལྟ།། མི་ནོར་རིན་ཆེན་གུས་ལྡན་འབུལ།། ཕོངས་མེད་འབུལ་ལ་དོན་རྒྱུད
290b5 བསྟན།། དེ་ཡིས་དོན་གྲུབ་དགོས་པ་ཡོད།། ཅེས་གསུངས་ནས། སྣ་ཚོགས་གཅེར་གྲོལ་གྱི་དངལ་ལྷན་ནེར་བཞུགས་སོ།། ཐེག་པའི་ཡང་རྩེ་ཀློང་ཆེན་རབ་འབྱམས་ཀྱི་རྒྱུད་ལས། སློབ་མ་སྣོད་ལྡན་མི་ལྡན་བཏག
290b6 པའི་ལེའུ་སྟེ་རྩ་དགུ་པའོ།། །། ས་མ་ཡ། རྒྱ་རྒྱ་རྒྱ། སྤམས་ཀྲ་ཤྩ་ནནཿཙད་མྱ། ཟུངག་རྒྱཿསེམས་དཔའ་རྡོ་རྗེས་ཡང་གསོལ་པ།། དེ་ལྟ་བུ་ཡི་ཀློང་ཆེན་དེ།། བསྙེན་ཞིང་རྩོལ་བའི་གནས་མཆོག
iiif viewer powered by OpenSeadragon
