| e-texts navigator |
| Wylie |
289b1 བསྟུན་པའི་ཆོས་མི་ཤེས།། དེ་ཡང་བཟང་བཟང་འདྲ་ཡང་ངན་པ་སྟེ།། དེ་འདྲའི་མི་གཙང་བུམ་པ་ལ།། བརྟེན་བྱའི་སློབ་དཔོན་མ་ཡིན་པས།། དམ་པ་ཆོས་ཀྱི་འབྲེལ་ཟག་ཆོད།། ད་ལྟ་ངོ་མཚར་གུས་བརྟེན
289b2 ཡང་།། ནམ་ཕུགས་སྐྱོན་གཅིག་ཅིས་ཀྱང་ཡོད།། དམ་ཉམས་གཉིས་ཀ་དམྱལ་བར་འགྲོ།། དེ་བས་སྙིང་པོའི་དོན་འདོད་ན།། བླ་མ་མཚན་ལྡན་བརྩོན་འགྲུས་ཀྱིས།། ཡོན་ཏན་ཚང་བ་བཙལ་ལ་བརྟེན།། དེ་ནི་ལྷག
289b3 མེད་གསུངས་པའོ།། དེ་ནི་ཀློང་ཆེན་འདི་ཉིད་ཀྱི།། འཆང་འཛིན་སྟོན་པའི་བླ་མའོ།། ཞེས་གསུངས་ནས། རང་གྲོལ་རྟོག་པའི་གདེང་གི་ངང་ལ་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས
289b4 ཀྱི་རྒྱུད་ལས། བླ་མའི་མཚན་ཉིད་བརྟག་པའི་ལེའུ་སྟེ་རྩ་བརྒྱད་པའོ།། །། ས་མ་ཡ། རྒྱ་རྒྱ་རྒྱ། སྤ་བྲག་ཅན་ཀྱ་ཏུ་རྦནཿཅད་ཀྱང་ཟུདྲས་རྒྱཿདེ་ནས་རྡོ་རྗེ་སེམས་དཔའ་ཡིས།། སྟོན་པ་ཉིད་ལ་ཡང་ཞུས
289b5 པ།། ཀྱེ། ཀུན་མཁྱེན་བརྡལ་བ་ཆེན་པོའི་དཔལ།། རྒྱུ་རྐྱེན་རྩོལ་བ་མེད་པའི་ཕྱིར།། ཀློང་ཆེན་འདི་ཉིད་བསྟན་བྱའི་ཡུལ།། སློབ་མའི་མཚན་ཉིད་གང་ལྟ་བུ།། རིག་མདངས་འཁོར་ལ་བཀའ་སྩོལ་ཅིག། སྟོན་པས་ལན
289b6 དུ་བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་ཉོན།། སློབ་མ་དམ་ཚིག་ལྡན་གྱུར་པ།། ཀློང་ཆེན་སྟོན་ཡུལ་སྣོད་དག་ཡིན།། ཀློང་ཆེན་འདི་ནི་ཐུན་མོང་མིན།། ཐེག་པ་ཀུན་གྱི་ཡང་རྩེ་ཡིན།། ཐེག་པའི་བཅུད་མཆོག
iiif viewer powered by OpenSeadragon
