| e-texts navigator |
| Wylie |
288b1 ཆེན་ལ།། རླུང་ཆེན་བྱུང་བ་གྲོགས་བཞིན་ནོ།། ཀློང་ཆེན་རོལ་པར་འཁོར་འདས་རྒྱན།། འདི་ནི་ཨ་ཏིའི་གྲུབ་མཐའ་འོ།། ཞེས་གསུངས་ནས།། ཀ་དག་ཡངས་པ་ཆེན་པོའི་ངང་ལ་ལྷན་ནེར་བཞུགས་སོ།། ཐེག་པ་ཀུན
288b2 གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ཨ་ཏི་ཆེན་པོའི་གྲུབ་མཐའ་སྟེ།། རྩ་བདུན་པའོ།། །། ས་མ་ཡ། རྒྱ་རྒྱ་རྒྱ། བཙུ་བྱ་ད་སྟེ། ཐེན། ཀུན་རྒྱམྱ་རྒྱ་གཏེར་རྒྱ། སྦས་རྒྱ། ཟབ་རྒྱ། གཏད་རྒྱ། སེམས
288b3 དཔའ་རྡོ་རྗེས་ཡང་གསོལ་པ།། ཀྱེ་ཧོ།། སྐུ་ལྔའི་བདག་ཉིད་སངས་རྒྱས་མེས།། རེ་དོགས་མཐའ་གྲོལ་ཀུན་ཏུ་བཟང་།། འདི་ལྟ་བུ་ཡི་ཀློང་ཆེན་དེ།། སྟོན་པའི་སློབ་དཔོན་ཇི་ལྟ་བུ།། འདུས་པའི་འཁོར་ལ་བཀའ་སྩོལ
288b4 ཅིག། དེ་སྐད་ཞུས་པའི་ལན་ཉིད་དུ།། སྟོན་པས་རང་བྱུང་འདི་སྐད་གསུངས།། ཀྱེ་ཧོ་སེམས་དཔའ་རྡོ་རྗེ་ཉོན།། སྤྱིར་ན་བླ་མའི་མཚན་ཉིད་ནི།། ཕུན་སུམ་ཚོགས་པ་འདི་ལྟར་རོ།། ཀློང་ཆེན་བཀའ་བབས་སྒྲུབ་རྒྱུད
288b5 ཟིན།། དབང་རྣམས་ཡོངས་རྫོགས་དམ་ཚིག་གནས།། ལྟ་བ་ཟག་ཆོད་རྒྱུ་འབྲས་ཞིབ།། བསྒོམ་པའི་སྣང་ཤེས་ཉམས་ལེན་བརྩོན།། སྤྱོད་པ་ཚུལ་ཁྲིམས་མན་ངག་ཅན།། གསང་སྔགས་རྡོ་རྗེའི་མཐའ་དྲུག
288b6 རྫོགས།། ཐོས་པས་རྒྱུད་གྲོལ་སྙིང་རྗེར་ལྡན།། འགྲོ་འདུལ་ཐབས་མཁས་རྫུ་འཕྲུལ་ལྡན།། དུས་གསུམ་བདེ་གཤེགས་སྲས་བཅས་ཀྱིས།། བྱིན་བརླབས་སྙན་བརྒྱུད་ཚིག་བརྒྱུད་དང་།། ཐུགས་བརྒྱུད་བཀའ་བབས
iiif viewer powered by OpenSeadragon
