| e-texts navigator |
| Wylie |
287a1 ཚུལ་བདེན་རྫུན་འཁྲུལ་པ་ཞིག། གཉིས་འཛིན་འཁྲུལ་པ་ཡེ་མེད་དང་།། བསྒྲུབ་བྱ་འདི་ཡིན་བསྒྲུབ་ཏུ་མེད།། ཐམས་ཅད་ཀློང་ཆེན་བརྡལ་བ་ཉིད།། ཕྱོགས་མེད་ཡུལ་མེད་རང་སྣང་གྲོལ།། ཡུལ་མེད
287a2 བློ་དང་དེ་བྲལ་ཏེ།། ཐམས་ཅད་ཕྱམ་གཅིག་རིག་སྟོང་གྲོལ།། སྤྱོད་པ་བླང་དོར་མེད་པ་ལ།། གཏད་མེད་ཟང་ཐལ་ལྟ་བ་ཡིས།། ཡིན་དང་མིན་གྱི་ཕྱོགས་ཞེན་གྲོལ།། དམིགས་གཏད་ཞེན་མེད་བསྒོམ་པ་ཡིས།། ཐེག
287a3 དགུ་ཆོས་མིན་གྲོགས་སུ་འཆར།། བླང་དོར་མེད་པའི་སྤྱོད་པ་ཡིས།། ཡིན་མིན་དགེ་སྡིག་ཅི་སྤྱད་ཀྱང་།། ཆོས་ཉིད་ཀློང་ནས་འདས་པ་མེད།། དགེ་བཅུ་ཕ་རོལ་ཕྱིན་པ་དྲུག། ཆོས་སྤྱོད་བཅུ་སོགས་འདི་བླང་བྱ།། མི
287a4 དགེ་བཅུ་དང་མཚམས་མེད་ལྔ།། རྣམ་སྨིན་སྡིག་ཆེ་འདི་སྤང་བྱ།། མཚན་མ་ཡེ་མེད་གཞི་དག་པས།། བླང་དོར་གཟུང་འཛིན་མིང་ཡང་མེད།། ཡིན་མིན་གཉིས་ཀྱི་ཆོས་བློ་འདས།། དེ་ལྟར་ལྟ་སྒོམ་ཆོས་ཉིད་ཀྱི།། ཀློང
287a5 ལས་འཕྱོ་བ་ཡེ་མེད་པས།། མི་དགེ་བཅུ་དང་མཚམས་མེད་སོགས།། མ་སྤངས་ཆོས་མེད་ལྷུན་གྱིས་གྲུབ།། དགེ་བཅུ་ཆོས་སྤྱོད་ཚོགས་ཆེན་གཉིས།། མ་བཙལ་ཆོས་མིན་ལྷུན་གྱིས་གྲུབ།། སྐུ་དང་ཞིང་ཁམས་ཡེ་ཤེས
287a6 སོགས།། མ་གྲུབ་ལྷུན་རྫོགས་ཀློང་ཆེན་པོ།། འཁོར་འདས་ཀྱིས་བསྡུས་ཆོས་ཕྱ་མ་གཅིག། སྐྱེ་བ་མེད་ལས་ཐམས་ཅད་སྐྱེས།། ཡོད་ནས་སྣང་བ་ག་ལ་ཡིན།། སྐྱེས་ཙམ་ཉིད་ན་སྐྱེ་བ་མེད།། མེད་པ་ཉིད་ཀྱང་རང་སྣང
iiif viewer powered by OpenSeadragon
