| e-texts navigator |
| Wylie |
285a1 ལ།། བསྲུངས་ཀྱང་སྐྱོན་མེད་རང་བྱུང་རོལ་པ་ཡིན།། མ་བསྲུངས་སྐྱོན་མེད་མཚན་མ་རང་སར་གྲོལ།། རང་གྲོལ་གཉིས་མེད་རང་བྱུང་དམ་ཚིག་གིས།། སྲུང་ཉམས་སྐྱོད་ཡོན་འབྱེད་པའི་མདུད་པ
285a2 བཀྲོལ།། ཨ་ཏིའི་ཕྲིན་ལས་བྱ་བཙལ་མེད་པ་ལ།། བཙལ་ཀྱང་སྤྱོད་མེད་རང་བྱུང་རོལ་པ་ཡིན།། མ་བཙལ་སྐྱོན་མེད་མཚན་མ་རང་སར་གྲོལ།། རང་གྲོལ་གཉིས་མེད་རང་བྱུང་ཕྲིན་ལས་ཀྱི།། ཕྱོགས་སུ་འབྱེད་པར
285a3 འདོད་པའི་མདུད་པ་བཀྲོལ།། ཨ་ཏི་ས་ལམ་སྦྱང་བགྲོད་མེད་པ་ལ།། སྦྱང་བགྲོད་བྱས་པས་སྐྱོན་མེད་རོལ་པར་ཤར།། མ་བགྲོད་མ་སྦྱངས་སྐྱོན་མེད་རང་སར་གྲོལ།། གཉིས་མེད་རང་གྲོལ་རང་བྱུང་ས་ལམ
285a4 གྱིས།། མཐོ་དམན་གོང་འོག་འཛིན་པའི་མདུད་པ་བཀྲོལ།། ཀློང་ཆེན་མདུད་བཀྲོལ་མཐའ་ཡི་མུན་གསལ་བས།། འགྲོ་བ་རིགས་དྲུག་སངས་རྒྱས་ཉིད་དུ་གསལ།། ཕྱོགས་མཚམས་སྟེང་འོག་ཐམས་ཅད་རྒྱར་མཉམ
285a5 པས།། ཡ་ཐ་སངས་རྒྱས་མེད་དེ་རང་དུ་གསལ།། མ་ཐ་དམྱལ་བ་མེད་དེ་རང་དུ་དག། འགྲོ་དྲུག་སྡུག་བསྔལ་མདུད་པ་དེར་བཀྲོལ་ནས།། བྱང་ཆུབ་སེམས་ལ་བདག་གཞན་མཐོ་དམན་མེད།། མཐོ་དམན་མེད་པའི
285a6 མཉམ་ཉིད་རིག་པའི་མཁར།། ཀུན་ལ་ཁྱབ་པས་གདལ་བ་ཆེན་པོའི་རྫོང་།། གཉིས་སུ་མེད་པ་མི་འགྱུར་རྡོ་རྗེའི་འོབས།། རྡོ་རྗེའི་མཁར་རྫོང་ཐེག་པའི་སྤྱི་ཕུད་ཡིན།། ཡེ་ནས་དེ་ཡི་ཀློང་དུ་རང་གྲོལ་བས།། འདོད
iiif viewer powered by OpenSeadragon
