| e-texts navigator |
| Wylie |
284b1 རྩད་གཅོད་ཁམས་གསུམ་ཡོངས་སུ་གྲོལ།། གཟུང་འཛིན་གཉིས་དང་བྱ་བྱེད་ཀུན་སྣང་ཀུན།། ཉིད་ལ་ཉིད་འཛིན་ཉིད་ལ་ཉིད་སྤྱོད་པས།། རྩ་བ་བྱང་ཆུབ་རིག་པའི་ཀློང་དུ་གྲོལ།། རང་བྱུང་རིག་པ་ཡེ་ནས་ཆོས་སྐུ
284b2 སྟེ།། དུས་གསུམ་རྒྱལ་བ་རྣམས་ཀྱང་དེ་ཡི་སྐུ།། ཕྱི་ནང་གསང་བ་ཐེག་མཆོག་ཇི་སྙེད་ཀྱང་།། བྱང་ཆུབ་སེམས་ཉིད་དེ་ཡི་ཡོན་ཏན་ཏེ།། རང་རིག་མ་རྟོགས་ཆོས་རྣམས་ལོགས་ན་མེད།། སེམས་ཉིད་ཀློང་དུ་མ་གྲོལ
284b3 ཆོས་མེད་པས།། གཉིས་སུ་འཛིན་པའི་མཁའ་ལ་མདུད་པ་བོར།། ཕྱོགས་སུ་བཙལ་བ་སེམས་ཀྱི་མདུད་པ་སྟེ།། ཨ་ཏི་ལྟ་བ་ཕྱོགས་རིས་མེད་པ་ལ།། བལྟས་ཀྱང་སྐྱོན་མེད་རང་བྱུང་རོལ་པ་ཡིན།། མ་བལྟས་སྐྱོན་མེད
284b4 མཚན་མ་རང་སར་གྲོལ།། གཉིས་མེད་ལྟ་བ་རང་བྱུང་རོལ་པ་ཡིས།། ལྟ་བ་ཟང་ངན་འབྱེད་པའི་མདུད་པ་བོར།། ང་ཡི་སྒོམ་པ་དམིགས་གཏད་མེད་པ་ལ།། བསྒོམས་ཀྱང་སྐྱོན་མེད་རང་བྱུང་རོལ་པ་ཡིན།། མ
284b5 བསྒོམས་སྐྱོན་མེད་མཚན་མ་རང་སར་གྲོལ།། རང་གྲོལ་གཉིས་མེད་རང་བྱུང་སྤྱོད་པ་ཡིས།། སྤྱོད་པ་ཆེད་དུ་བཙལ་བའི་མདུད་པ་བཀྲོལ།། ཀློང་ཆེན་འབྲས་བུ་སྤང་ཐོབ་མེད་པ་ལ།། བསྒྲུབས་ཀྱང་སྐྱོན་མེད་རང་བྱུང
284b6 རིག་པ་ཡིན།། མ་བསྒྲུབས་སྐྱོན་མེད་མཚན་མ་རང་སར་གྲོལ།། གཉིས་མེད་རང་གྲོལ་རང་བྱུང་འབྲས་བུ་ཡིན།། འབྲས་བུ་གཞན་འདོད་རེ་བའི་མདུད་པ་བཀྲོལ།། ཀློང་ཆེན་བསྲུང་མཚམས་བྲལ་བའི་དམ་ཚིག
iiif viewer powered by OpenSeadragon
