| e-texts navigator |
| Wylie |
284a1 ཆོས་ཉིད་སྦྱང་།། སྦྱང་བསྐུར་དམིགས་པ་སྐུལ་མི་དགོས།། སེམས་ཙམ་མ་སྤངས་རྫོགས་ཆེན་རྒྱན།། ཀྲི་ཡ་གཙང་སྦྲ་བྱི་དོར་གྲུབ།། ཡེ་ནས་དག་པས་བྱ་བ་བྲལ།། ཀྲི་ཡ་མ་སྤངས་རྫོགས་ཆེན
284a2 རྒྱན།། ཨུ་པ་ཡོ་ག་ཆོ་ག་རྩོལ་སྒྲུབ་སྤྱོད།། ཡེ་ནས་ལྷུན་གྲུབ་བྱ་མི་དགོས།། ཨུ་ཡོག་མ་སྤངས་རྫོགས་ཆེན་རྒྱན།། མ་ཧཱ་ཨ་ནུ་ཏིང་འཛིན་གསུམ།། དག་པ་སྒོམ་བསྒྲུབ་ཡེ་གྲུབ་ཡིན།། མ་ཧཱ་ཨ་ནུ་རྫོགས་ཆེན
284a3 རྒྱན།། སེམས་སྡེ་ཀློང་སྡེ་མན་ངག་སོགས།། ཀུན་ཀྱང་མཐོ་དམན་མེད་པ་ལ།། ཐེག་འོག་ཁྱད་བསད་རང་ཆེ་བརྗོད།། དེ་ཡིས་འདི་ལ་གཏན་མི་ཕེབས།། རྫོགས་པ་ཆེན་པོའི་ལྷ་སྒོམ་སྤྱོད།། ཆེན་པོ་ང་ཉིད་མཉམ
284a4 ཉིད་དང་།། མཐོ་དམན་དབྱེ་བའི་གདགས་གཞི་བྲལ།། རྩོལ་མེད་རྒྱུ་འབྲས་ཞིབ་མོས་འབེབས།། ཀུན་གྱི་ཡང་རྩེ་ཆེན་པོ་ང་།། དགུ་ཀ་མ་སྤངས་ཉམས་སུ་ལེན།། ཕྱོགས་ཞེན་རྒྱ་མདུད་སྡོམ་པ་ལེན།། ལྟ་བའི་ཡང
284a5 རྩི་ཐོད་རྒལ་འགྲོ།། གཤིས་ནི་སྐེ་མེད་ཐིག་ལེ་ཡིན།། རྩལ་ནི་འགག་མེད་རོལ་པ་ཡིན།། ངོ་བོ་གཉིས་མེད་རང་གྲོལ་ཡིན།། ཨེ་མ་ཧོ། གཅིག་ལ་ཀུན་རྫོགས་མ་སྤངས་རང་སར་གྲོལ།། སངས་རྒྱས་སྐུ་དང་སེམས
284a6 ཅན་ཉོན་མོངས་ལུས།། ཇི་ལྟར་སྣང་བ་ཐམས་ཅད་རིག་པའི་རྒྱན།། ཉོན་མོངས་དུག་ལྔ་ཡེ་ཤེས་བདུད་རྩི་སྟེ།། འཁོར་བའི་གཡང་ས་བྱང་ཆུབ་ལམ་དུ་དངས།། དུག་གསུམ་སྐུ་གསུམ་ཀློང་དུ་གཏན་སྤྲུགས་ཏེ།། སྐྱེ་ཤི
iiif viewer powered by OpenSeadragon
