| e-texts navigator |
| Wylie |
283a1 རྩོལ་བ་བྲལ་ལོ་ཟེར།། ཕྱོགས་ཞེན་དེ་ཡིས་སངས་མི་རྒྱ།། ལྟ་བ་སྒོམ་མེད་བསྟན་པས་ཐོས།། སྒོམ་པ་ཡེ་སྒོམ་བསྟན་པས་ཐོས།། སྤྱོད་པ་སྤང་བླང་མེད་པས་ཐོས།། དམ་ཚིག་བསྲུང་མཚམས་མེད
283a2 པས་ཐོས།། ལམ་ལ་རྩོལ་བགྲོད་མེད་པས་ཐོས།། ཆོས་ཉིད་གང་ཡང་ཡིན་པས་ཐོས།། དོན་ལ་དེ་ལྟར་གནས་གྱུར་ཀྱང་།། ཐེག་དམན་ཐམས་ཅད་སྐྲག་ཅིང་རྒྱལ་བར་བྱེད།། དགེ་སྡིག་གཉིས་བདེན་རྒྱུ་འབྲས
283a3 བྱུང་།། དགེ་བཅུ་རྩོལ་བ་སྤང་མི་དགོས།། ཉན་རང་བྱང་སེམས་ཐེག་དམན་ལ། ཁྱད་གསོད་དགེ་སྡིག་མེད་དོ་ཟེར།། གཏན་ཚིག་རིགས་དྲུག་སྡུག་བསྔལ་ལྟོས།། ཡིད་སྨོན་བྱེད་པ་སེམས་ཀྱི་བདུད།། ཐེག་དམན
283a4 རྣམས་ལ་ཁ་འཕེན་ཅིང་།། རྒྱུ་འབྲས་ཕྱལ་བར་འཇོག་པ་ན། ཁམས་གསུམ་སེམས་ཅན་བསད་པ་བས།། ཐེག་པ་སྤང་སྨད་སྡིག་པ་ཆེ།། ཡང་དག་ང་ལ་སྒྲོ་བཏགས་ཡིན།། གང་ལ་གང་འཚམས་སྟོན་བྱེད་པ།། དབང
283a5 པོའི་རིམ་པར་སྦྱར་ནས་གསུངས།། མཐོ་དམན་མེད་པར་ངས་མ་གསུངས།། ཐེག་དགུ་སྐས་ཀྱི་གདང་བཞིན་བརྟེན།། སྤོང་འགེག་རྟོག་བསྒྱུར་བདེན་གཉིས་སྤྱོད།། གཙང་སྒྲ་ཏིང་འཛིན་བྱིན་རླབ་བྱེད།། རྩོལ་སྒྲུབ
283a6 དམ་ཚིག་ཡེ་ཤེས་བསྐྱེད།། སྒྲུབ་བསྙེན་ཕྲིན་ལས་མཆོད་བསྟོད་བསྐུལ།། ཀུན་ལ་འབྲས་བུ་རེ་རེ་དང་།། བདེན་པ་མཐོང་ཚུལ་ཡོན་ཏན་ཡོད།། རྒྱུ་འབྲས་འདས་པའི་ཁ་ལྟ་སྟེ།། ཆད་པའི་མུ་ལ་ཅུང་ཙམ
iiif viewer powered by OpenSeadragon
