| e-texts navigator |
| Wylie |
282b1 འགྱུར་བ་མེད།། གཅིག་ཤེས་ཀུན་གྲོལ་ཏི་ལ་ཉིད།། ཐེག་དགུ་མ་སྤངས་ང་ཡི་རྩལ།། ཨ་ཏི་མ་བསྒྲུབས་ང་ཡི་རོལ།། མཐོ་དམན་བརྗོད་བྲལ་ང་ཡི་རྒྱན།། ཅེས་གསུངས་ནས། ཀུན་རྫོགས་རྒྱལ་པོ་མི་གཡོ་བའི་ངང
282b2 ལ་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ཨ་ནུ་མ་སྤངས་རྫོགས་ཚུལ་གྱི་ལེའུ་སྟེ་ཉེར་ལྔ་པའོ།། །། ས་མ་ཡ། རྒྱ་རྒྱ་རྒྱ། ཡང་ན་དྲན་པ་སྒོགྶས་སོ་བ་ལྔརྔོན་རོཿཀརྦ3
282b3 དེ་ནས་སེམས་དཔའ་རྡོ་རྗེ་ཡིས།། སྟོན་པ་ཉིད་ལ་ཡང་གསོལ་པ།། ཨེ་མ་ཧོ།། ཉག་གཅིག་ཟང་ཐལ་ཀུན་ཏུ་བཟང་།། མེད་པ་ཕྱལ་བ་ལྷུན་གྲུབ་ཆེ།། ཨ་ཏིའི་གྲུབ་མཐའ་བདག་ལ་སྟོན།། ཅེས་གསོལ་སྟོན་པས
282b4 བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་ཉོན།། རྫོགས་ཆེན་ཨ་ཏིའི་གྲུབ་མཐའ་ནི།། ལྷ་སྒོམ་སྤྱོད་པ་འབྲས་བུའོ།། ལྟ་བ་སྣང་སྲིད་འཁོར་འདས་ཀྱི།། ཆོས་རྣམས་ཐིག་ལེ་ཉག་གཅིག་སྐུ།། རང་བྱུང་བྱ་བཙལ་མེད
282b5 པར་འདོད།། སྒོམ་པ་ཀུན་ཁྱབ་ནམ་མཁའ་ལ།། ཅིར་ཡང་འཆར་བའི་ནོར་བུ་ལྟར།། སྣང་བཞིན་མ་གྲུབ་ངེས་པ་མེད།། བཅོས་སླད་མེད་པ་ས་ལེ་སྦྲམ།། རང་གསལ་ཆེན་པོར་འདོད་པ་ཡིན།། སྤྱོད་པ་སྤྱད་རྒྱུ་མེད་པ
282b6 སྟེ།། འབྲས་བུ་ཚེ་གཅིག་ལུས་གཅིག་ལ།། ཀ་དག་ཟད་པའི་སར་གྲོལ་འདོད།། སེམས་སྡེ་ཀློང་སྡེ་མན་ངག་སོགས།། རང་རང་གྲུབ་མཐའ་ཕྱོགས་རེས་བཅིངས།། ཐེག་བརྒྱད་ཐམས་ཅད་ཁྱད་བསད་ནས།། ང་ནི
iiif viewer powered by OpenSeadragon
