| e-texts navigator |
| Wylie |
282a1 ན་ཆད་པའི་མཐའ།། རྟག་ཆད་གཉིས་ཀྱི་མདུད་པ་དེ།། རྣལ་འབྱོར་འཆིང་བར་བྱེད་པའི་སྒྲོག། དེ་ཡི་མདུད་པ་ངང་གིས་འགྲོལ།། ཨ་ནུ་ལ་སོགས་ལམ་གཞན་གྱིས།། བཀྲོལ་བས་ཁྲོལ་བ་མ་ཡིན
282a2 ཏེ།། ཞེན་པའི་ཐག་པས་སླར་ཡང་འཆིང་།། ཨ་ཏི་ཀློང་ཆེན་རབ་འབྱམས་ང་།། མཐའ་ལ་སྐྱོན་དུ་མི་བལྟ་སྟེ།། འཆིང་གྲོལ་གཉིས་སུ་ག་ལ་འབྱེད།། མཐའ་གཉིས་མ་སྤང་རང་གྲོལ་བས།། གཉིས་མེད་ཙམ་དུ་མི
282a3 གནས་ཤིང་།། གཉིས་ཀ་ལྟར་ཡང་རང་ཤར་བས། མཐའ་བཞི་མ་སྤངས་རྒྱ་ཡན་ཀློང་།། མུ་བཞི་ཀུན་འབྱམས་ཡངས་པའི་རྩལ།། འཆིང་གྲོལ་གཉིས་མེད་རང་སར་བདེ།། གཅིག་བདེ་གཉིས་བདེ་ཀུན་ཀྱང་བདེ།།
282a4 ཁམས་གསུམ་སེམས་ཅན་ཀུན་ཀྱང་བདེ།། དུས་གསུམ་སངས་རྒྱས་ཀུན་ཀྱང་བདེ།། རང་སྣང་ཆོས་སྐུའི་ཀློང་ན་བདེ།། ཆོས་སྐུ་འཕོ་འགྱུར་མེད་པ་ལ།། འཁོར་འདས་ཆོས་ཀུན་ཅི་བདེར་བཞུགས།། དེ་ལ་ངེས་པ
282a5 མེད་པའི་ཕྱིར།། བྱེད་སྤྱོད་ཅིར་ཡང་མ་འགགས་པས།། ང་ཡི་ཀློང་ན་ཅི་བདེར་སྤྱོད།། སྤྱོད་ཡུལ་གང་ཡིན་མ་འགགས་པས།། ཅི་ལ་ཉམ་པ་མེད་པ་དང་།། གང་ལ་ཐོགས་པ་མེད་པའི་ཕྱིར།། གང་ཞིག་གང་ལ་གང
282a6 གིས་འཆིང་།། སྤུ་གྲིས་སྤུ་གྲི་ཇི་ལྟར་གཅོད།། ཆུ་ཡིས་ཆུ་གཉིས་ཇི་ལྟར་བརླན།། མཁའ་ལ་མཁའ་ཉིད་ཇི་ལྟར་འཇོག། མེ་ཡིས་མེ་ཉིད་བློ་ལྟར་བསྲེག། འཆིང་གྲོལ་ཉིད་ཀྱང་རིག་པའི་ཀློང་།། ས་ལེ་སྦྲམ་བཞིན
iiif viewer powered by OpenSeadragon
